網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月29日 星期六

【三人行】誕不同齡三子女同月同日生 港夫婦:難過中六合彩 __,六合彩,

如果說懷孕是天賜的禮物,80後張氏夫婦KK和Iris的3個子女,必定是他們一生中最驚喜的大禮。三小姊弟分別7歲、5歲及2個月大,卻巧合於7月20日同月 ...


如果說懷孕是天賜的禮物,80後張氏夫婦KK和Iris的3個子女,必定是他們一生中最驚喜的大禮。三小姊弟分別7歲、5歲及2個月大,卻巧合於7月20日同月同日、在同一間醫院順產出世。夫妻二人覺得非常有緣及神奇,直言:「難過中六合彩」,而且一切全屬巧合,笑指沒有秘方可以分享。婦產科醫生也指情況超級罕見,解釋即使選擇剖腹產子,也難刻意做到。



記者:龔蕙芝 攝影:周子惇



「我(待產陣痛)當時就諗阿仔好醒目,識得一過(凌晨)12點就嚟,真係好神奇。」今年7月20日凌晨,Iris經歷5個多小時陣痛後,清晨在廣華醫院順產誕下兒子以諾。原本再平常不過的生產經歷,卻因7月20日這一天,成為他們一家的命中注定。



懷有弟弟之前,Iris已是兩女之母,長女天霖和次女千悅,同樣在廣華醫院呱呱落地,更巧合的是,生於2011年及2013年的兩名女兒,亦於7月20日順產出生。Iris記得次女出生當天,兩夫婦原本已預訂自助餐跟大女慶祝生日,豈料當日早上就作動入院,「阿妹係遲過預產期嚟,一痛嗰刻係覺得唔會咁神奇啩。」結果兩姊妹真的同月同日生,更沒料到今年再生多個。



至於決定生第三個,因為「一來我哋兩個各自都係大家庭出身,都鍾意熱鬧;二來都算係老人家意願,想湊個『好』字。」於是他們去年再開展生大B計劃,「原本係想生大B(1至4月出生),諗住會易啲搵學校」,後來錯過了生大B月份,正打算放棄時,卻突然得知懷孕,所以以諾出生也算是「意外」。



「一開始(懷第三胎)覺得唔會同一日出世,直至出咗預產期(7月23日),加上距離日子愈來愈近,就愈會諗(會唔會又咁巧合)。」當時廣華醫院婦科醫生更建議她,不如在7月20日催生,令弟弟可以和兩個姊姊同日出生,但她拒絕了,「我當時唔想,覺得要順其自然,不過都聽醫生講19號入醫院待產。」



Iris回憶道,入院時毫無產前跡象,直至凌晨開始腹痛,「起初仲以為自己多心,覺得唔會咁啱嘅。」惟當痛楚越見頻密時,Iris就知道是產前陣痛,「嗰時個心反而覺得好安定,因為知道阿囝就會係呢日嚟,覺得佢好乖。」



陪產的丈夫KK笑指,「到生嗰一刻好開心,我同姑娘講,『姑娘,我3個小朋友呀!3個都係7月20日(出世)』」豈料護士冷淡回應﹕「吓?係呀,恭喜晒。」他還想叫兩名女兒入病房拍張全家幅,可惜也被拒絕。在護士冷靜與張氏夫婦熱情之間,一度令Iris覺得「其實3姊弟同月同日生好普通咋嘛。」但出院後,她越想越覺得神奇。



對於這個神奇經歷,Iris直言全屬巧合,更笑指沒秘方可分享,反指生次女時,錯過為大女慶祝生日,今年入院待產時,7歲的天霖不禁問她﹕「你去咗生BB,咁邊個同我慶祝?」其實早於弟弟出世前,兩小姊妹就一直篤定弟弟會7月20日出生,天真得以為生日「有得揀。」「因為我同家姐都係7月20號(生日),哈哈。」細女千悅笑不攏嘴,家姐天霖又大聲搶答﹕「我想3個一齊過生日!」媽媽形容可能這是小孩的第六感。



一個蛋糕由一支蠟燭,變成兩支蠟燭,未來還要多添一支蠟燭嗎?兩姊妹已搶著說,應該是安排3個蛋糕,「媽咪話㗎!」原來兩姊妹過去每年一同慶祝生日,都是「商量」買一款蛋糕,但一個愛士多啤梨蛋糕、一個愛公主蛋糕,未來還要和弟弟分享,所以媽媽已答應她們,以後可以自己挑選喜愛的蛋糕,「由一個大蛋糕變3個小蛋糕啦。」天霖和千悅在旁鬼馬的猛力點頭。



兩姊妹同月同日生,性格卻不相同,Iris稱:「如果用動物形容,家姐係好似狗咁熱情好動,阿妹就好似貓咁冷靜、唔理人,完全唔會話同一日出世就一樣性格,細佬就暫時未知。」兩姊妹雖然有時會爭玩具,但轉頭又會攬頭攬頸,更常常輪流偷親弟弟,「我總係覺得同月同日生呢個巧合好似係多一種bonding(連結),變咗以後呢日,佢哋都要一齊過,令呢個家庭更加親密。」Iris笑說。



KK表示,當生育在香港淪為「贏在起跑線」的計算討論,他們反而質疑育兒難定義輸贏,「贏輸好難界定,贏啲咩?輸啲咩?」在Iris心中,長大後有個知足而快樂的心境,才是真正贏家。分別在大型連鎖食肆任管理層及人事管理主管的KK和Iris,指新一代受過份保護,長大後變得依賴,曾遇過一個面試者,由媽媽陪同來見工,令她覺得寧願沿用上一代育兒智慧,著重訓練品行和自理能力,比催谷知識更重要。



「大女同細女讀嘅都係學券制幼稚園,平日去餐廳會訓練佢哋自己叫嘢食、買嘢自己睇價錢,要佢哋學識選擇。」雖然小姊妹也有上興趣班,但學習時間表絕非排得密密麻麻。



Iris坦言重視子女的生活感受,多於表現於人前的「成績表」,她記得有一年帶女兒去旅行騎馬,身旁有另一港媽,卻全程只顧為女兒拍照,「不斷叫個女望鏡頭,個小朋友究竟真實用幾多時間去享受玩樂呢?定係滿足父母『打卡』呢。」她倆都有共識,希望子女能過快樂生活,因為這是千金難買,也是他們眼中的成功。



你敢爆,我敢獎! 立即WhatsApp《蘋果》24小時爆相爆片熱線致電:63836568





過去多年生日,雖然各有喜好,但兩姊妹都要商量選定一款蛋糕,成為兩個小朋友的每年大事。(周子惇攝) 過去多年生日,雖然各有喜好,但兩姊妹都要商量選定一款蛋糕,成為兩個小朋友的每年大事。(周子惇攝)
千悅(左)和天霖(右)笑指早知弟弟以諾(中)會和他們同月同日生。(周子惇攝)

千悅(左)和天霖(右)笑指早知弟弟以諾(中)會和他們同月同日生。(周子惇攝)
Iris(左)和KK(右)兩夫妻均難相信3個子女會於同月同日生,更笑指沒有秘方可分享。(周子惇攝)

Iris(左)和KK(右)兩夫妻均難相信3個子女會於同月同日生,更笑指沒有秘方可分享。(周子惇攝)
姊姊天霖(右)迎接同月同日生日的妹妹千悅(左)。

姊姊天霖(右)迎接同月同日生日的妹妹千悅(左)。
母親Iris希望同月同日生會令3姊弟感情更好,圖中為兩小姊妹的照片。

母親Iris希望同月同日生會令3姊弟感情更好,圖中為兩小姊妹的照片。
3姊弟同月同日生,父母希望子女長大後仍會一同慶祝,相信會令家庭關係更好。(周子惇攝)

3姊弟同月同日生,父母希望子女長大後仍會一同慶祝,相信會令家庭關係更好。(周子惇攝)

鍾意就快D Share啦!