掃呢頁CODE去手機

2018年9月21日 星期五

陳家樂:差啲乜?衛詩雅講明唔會同陳家樂拍拖 __,衛詩雅,詩雅,陳家樂,

好重口味呀!藝人陳家樂與衛詩雅求學時,最愛流連快餐店溫書及抄功課。家樂以往拍拖相當貼地,詩雅則自爆覓食比較「三心兩意」,平民食肆絕對是二人「最愛」。無 ...


好重口味呀!


藝人陳家樂與衛詩雅求學時,最愛流連快餐店溫書及抄功課。家樂以往拍拖相當貼地,詩雅則自爆覓食比較「三心兩意」,平民食肆絕對是二人「最愛」。無辣不歡的詩雅希望日後覓得一個「辣霸」,發展美味情緣。

陳家樂與衛詩雅屬同一經理人公司,加上成長背景相若故私交甚篤,就連飲食習慣都非常相似,最愛流連快餐店。而近日他們合作為「大家樂」推出的慈善活動任大使,絕對「合晒合尺」﹗談到光顧快餐店的經歷,家樂自爆瘀事:「好記得小學食一人一鍋,食到一枱都係,快餐店嘅清潔姐姐見到就走嚟同我講:『小朋友,咁樣食嘢會畀人話冇家教㗎。』當時我即刻爆喊,但後來明白佢係為我好。」

快餐店打躉抄功課

兩人又自爆求學時,最愛在快餐店打躉、溫書及抄功課。詩雅自言其「三心兩意」的性格難滿足,她說:「約我食飯嘅話,就知我成日轉諗頭,可能出街前想食中菜,落到樓下又想鋸扒,讀書時冇乜錢,去快餐店就可以滿足晒我所有要求。(試過展開美味情緣?)我好鍾意食辣,一定唔會搵個唔食辣嘅男友,點溝通?『辣霸』比較啱我。(唔考慮吓家樂?)同佢似屋企人,點會同屋企人拍拖?況且依家唔諗感情住。」

「飯桶」拍拖要貼地

而家樂雖未覓得「真命天女」,但感恩以往的女友都肯與他去快餐店:「我有自知之明唔會『越級』,拍得拖都係相同圈子嘅異性,而拍拖節目通常都好平民,只會過時過節先去啲貴少少嘅餐廳。」外表溫文的他是「飯桶」一名,更笑說:「我哋一家出街食飯其實好麻煩,事關我爸爸對飲食好有要求,佢一定要食中餐,每朝起身要歎茶,完全唔掂煎炸嘢。佢唔肯同我哋去旅行嘅原因,就係出埠可能搵唔到中菜食!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!