掃呢頁CODE去手機

2018年9月19日 星期三

被亞視姐仔寸係姣婆 遭正印爆料!萬綺雯疑做過甄子丹呂頌賢小三? __,亞視,呂頌賢,子丹,小三,萬綺雯,甄子丹,

被亞視姐仔寸係姣婆  遭正印爆料!萬綺雯疑做過甄子丹呂頌賢小三?
被亞視姐仔寸係姣婆遭正印爆料!萬綺雯疑做過甄子丹呂頌賢小三?萬綺雯不嬲都係個公認嘅大美人,相信仲未成為人妻前應該都不乏追求者!不過萬綺雯就好唔好彩咁被 ...


被亞視姐仔寸係姣婆 遭正印爆料!萬綺雯疑做過甄子丹呂頌賢小三?





萬綺雯不嬲都係個公認嘅大美人,相信仲未成為人妻前應該都不乏追求者!不過萬綺雯就好唔好彩咁被人話佢做小三,當年有傳佢勾引已經有女朋友嘅呂頌賢同人夫甄子丹!

撰文:占士@Central│圖片來源:劇集海報、電視劇照、電影劇照、IG、微博





被亞視姐仔寸係姣婆 遭正印爆料!萬綺雯疑做過甄子丹呂頌賢小三

萬綺雯貴為亞視一姐,拍過嘅劇集當然唔只《我和殭屍有個約會》一套當年劇接劇嘅佢連緋聞都一個接一個,好似佢同呂頌賢喺1991年主演《大提琴與點38》嗰陣,就被傳萬綺雯暗撻同麥景婷熱戀中嘅呂頌賢!搞到萬綺雯被人話做小三呀!

亞視1991年劇集《大提琴與點38》海報

呂頌賢、萬綺雯劇集宣傳照



呂頌賢拍《大提琴與點38》時正與黎海珊熱戀中,但黎海珊似乎都估唔到呂頌賢同萬綺雯拍拍吓劇竟然撻著咗,搞到黎海珊嬲嬲豬,口出狂言話亞視出咗個「姣婆亞姐」,對佢男朋友放生電、勾引佢男友!

(左:細龜黃一山、右:黎海珊)

TVB節目《笑星救地球》照片

(左:蔡一傑、右:鄭啟泰)

黎海珊曾與鄭啟泰維持五年婚姻



老實講,大家叫得出名嘅亞姐又有幾多個呢?咁啱呂頌賢又同萬綺雯合作,所以矛頭即刻直指當時嘅亞視一姐萬綺雯!

萬綺雯IG

萬綺雯IG



萬綺雯IG

萬綺雯IG



有傳當年黎海珊試過截停喺廣播道截停呂頌賢架車,即場鬧爆喺車上嘅萬綺雯。又有拍黎海珊試過入廠大把大把車落萬綺雯塊面,真係好火爆呀。據說事件隔咗無耐,呂頌賢同萬綺雯嘅戀情亦終於告終。



亞視劇集《槍神》劇照

亞視劇集《槍神》劇照



亞視劇集《槍神》劇照

同呂頌賢分開一年後,萬綺雯轉個頭就同當是已為人夫嘅甄子丹因為合作《精武門》爆出戀情,同年甄子丹更選擇拋妻棄子,名正言順同萬綺雯熱戀。 不過當年萬綺雯貴為亞視一姐,甄子丹亦尚未成為宇宙最強,人氣不如萬綺雯,加上早有家室就令呢段戀情飽受輿論壓力。自兩人公佈戀情更是謠言滿天飛!

《精武門》劇照



《精武門》劇照

甄子丹喺《葉問》就一個打十個,而當年就有拍佢為咗保護萬綺雯喺蘭桂坊一個打八個,打到人地入廠!不過萬綺雯事後亦有澄清事件,話當日只係朋友生日,話有人酒後口花花撩女仔搞到有啲碰撞,整個過程都無人被打到入醫院。

《葉問》劇照



《葉問》劇照

甄子丹亦試過喺亞視台慶時當眾下跪向萬綺雯求婚,萬綺雯更揚言非君不嫁。可惜呢段姻緣維持四年多就結束,後來萬綺雯受訪時亦有大方重提舊情,表示:「年輕時總覺得對方最好,以為我兩之間是世界上最浪漫的,但其實只是自己想得太完美。最大的挫折,莫過於以為已找到最適合的人,卻發現我倆根本不適合對方。」





睇嚟萬綺雯幾乎每任男朋友都係因劇結緣,好似現任丈夫陳十三亦係因為拍攝《我和殭屍有個約會II》撻著,喺劇集慶功後正式約會,四個月後正式註冊結婚! 萬綺雯、呂頌賢、甄子丹現在都各有所屬,萬綺雯就同陳十三結婚十八載,甄子丹亦同太太汪詩詩育有一對寶貝囝囡,呂頌賢就同拍拖14年嘅麥景婷於08年到關島結婚。

萬綺雯、陳十三合照

萬綺雯、陳十三合照





甄子丹、汪詩詩合照

甄子丹、汪詩詩合照



呂頌賢、麥景婷合照

呂頌賢、麥景婷合照














鍾意就快D Share啦!