裕美經歷事業高低，婚姻失敗後，先發覺媽媽雖然從來唔會讚佢一句，但有咩事發生，佢都會喺你身邊撐住你嘅人。
裕美做訪問時講過，媽媽性格剛烈，但係心地好善良，由細到大都唔會讚佢，仲成日話佢醜。以前細個唔識性，好多時同媽媽因為小事就鬧交，到人大咗，經歷多咗，先知道媽媽口硬心軟，其實好錫自己，只係唔會講出口。
裕美今年三十歲，佢媽媽六十幾歲，自己一個住公屋，喺屋企附近嘅露天停車場做看更及收銀，每日9小時，冇見佢遲到早走，好勤力。
放工後，一個人去茶餐廳炒碟嘢，食飽返屋企，生活好簡單。
唔好以為裕美冇理過媽媽呀！佢除咗定時定候返屋企探佢，知道媽媽放假，會陪佢行街、食嘢。
好似呢日咁，佢哋喺灣仔食完嘢後，裕美飲住嘢同媽媽行街，邊行邊傾偈，好多嘢講。
講講吓，話咁快就行到跑馬地屋企，裕美同媽媽齊齊上樓，繼續吹。
裕美覺得媽媽老咗，多咗白頭髮，又成日半夜抽筋，見到佢咁好心痛，想錫佢多啲，又話如果自己以前生性啲，可以俾舒適啲嘅生活佢。
裕美而家有個好錫佢嘅老外男友Alex，大家喺跑馬地同居，閒時同男友遊吓埠，愛情好美滿。
都係一句啦，做人要活在當下，唔好愛得太遲，每日同媽媽講聲I love you，佢會收到你對佢嘅愛。
攝錄：陳亦龍、蕭敬漁、吳斯金、王志輝
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|