掃呢頁CODE去手機

2018年9月27日 星期四

唔敢做月餅生意 肥媽:我最投入就係湊孫 __,肥媽,

唔敢做月餅生意肥媽:我最投入就係湊孫肥媽、麥長青(麥包)、可嵐早日喺油麻地出席中秋節活動,同街坊一齊見證全球首個巨型投射孔明燈,以最新技術將照片同願望 ...


  • 唔敢做月餅生意 肥媽:我最投入就係湊孫


  • 肥媽、麥長青(麥包)、可嵐早日喺油麻地出席中秋節活動,同街坊一齊見證全球首個巨型投射孔明燈,以最新技術將照片同願望即時透過Instagram投射在現場的孔明燈上,又環保又有意義!

    肥媽話而家月餅越來越多款式,又大讚陳皮紅豆月餅好好食,令佢好驚嘆,佢仲話之後會試整:「佢哋話係30年陳皮,其實平時我都有整月餅,我哋幾代同堂,每年都同孫仔佢哋,親子活動咁一齊整月餅,仲會用我肖像嘅月餅模,呢個紅豆陳皮一定要研究,唔輸得,仲要配普洱茶清滯。」

    雖然每年都會自己整月餅,但問到佢會唔會做月餅生意,肥媽即刻耍手話:「唔會,唔會,做生意要好投入,但我最投入就係湊孫!如果有屋企人同我夾,有屋企人去管,我就會做。」

    活動場地位於榕樹公園,勾起好多麥包嘅兒時回憶,佢自爆曾經係到幫朋友賣衫,仲會幫睇相舖坐旺場做媒:「我朋友喺度做小販,我夜晚先嚟幫手,當時呢度係Shopping Mall,但我哋嚟就係『Shopping 摸吓』咋!」

    呢次活動收益扣除成本後,會全數撥捐慈善機構「腦之家」,賀中秋同時又做善事,好有意義啊!

    鍾意就快D Share啦!