網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月9日 星期日

韋家雄險地證真愛 黃德斌婚禮平靚正 __,韋家雄,黃德斌,

愛情長跑13年<br>Joyce抱實親友的BB與黃德斌合照。
韋家雄險地證真愛黃德斌婚禮平靚正深情大叔53歲韋家雄和55歲黃德斌齊齊做老襯,兩位鐵漢外形,粗中帶幼的內心,均贏得嫩妻芳心,前者晒瀑布感動婚紗照,以表 ...


韋家雄險地證真愛 黃德斌婚禮平靚正

深情大叔53歲韋家雄和55歲黃德斌齊齊做老襯,兩位鐵漢外形,粗中帶幼的內心,均贏得嫩妻芳心,前者晒瀑布感動婚紗照,以表死過翻生終能覓得真愛;後者昨日則低調與愛情長跑13年的圈外女友註冊完婚,整個過程「快、靚、正」,據知以自助餐形式進行的酒會,結帳只需約5萬元!

無綫藝人韋家雄下月再做老襯,53歲的他曾經失婚,今次被年輕近廿年的「銀行之花」鄧楚雅(Keynes)成功俘虜,拍拖不足一年,決定閃婚,已定於10月6日假酒店筵開25席喜酒,宴請圈內外親友。

重遊成長地

娶得嫩妻的家雄當然要影靚靚婚紗相留念,穿上婚紗的Keynes樣靚身材正,難怪大叔之年的家雄都心情興奮,笑得比新娘更要燦爛!他昨日接受電話訪問,表示今次帶老婆返自己兒時長大的華富邨取景,與愛人重回快樂成長地,一齊遊歷他的回憶,相當浪漫,其中一張相在瀑布前深情留影,原來有一段死過翻生的故事,甚為感動。他說:「嗰時我細個,同一班小朋友玩,去到呢個瀑布灣游水時,差啲浸死呀!呢個地方好難忘,所以我哋要喺度影相留念!」

冇咁快雙喜臨門

他稱當日帶埋Keynes領養的愛犬影相,視狗狗為家人般看待的他,被問婚後可會快快生B?他卻稱先過二人世界,暫未計劃生育。

與前妻育有一子韋庭鋒的家雄稱,現年27歲的兒子與「未來媽媽」相處融洽,據知其子與女友亦感情穩定,眼見老竇完婚,自己都唔執輸,亦有結婚打算,問到家雄是否做完新郎再做新老爺,雙喜臨門?他說:「佢哋(兒子和其女友)感情好好,係有計劃結婚,不過唔會咁快,應該明年或者後年!」

黃德斌與老婆以「紅白藍」情侶裝簽字。
  • 黃德斌與老婆以「紅白藍」情侶裝簽字。
徐榮帶埋老婆仔女送祝福。

  • 徐榮帶埋老婆仔女送祝福。
麥子樂(左)與戚其義祝福一對新人。

  • 麥子樂(左)與戚其義祝福一對新人。

55歲的黃德斌與39歲圈外女友Joyce Wong上月被本報率先披露入紙申請結婚,事後他受訪講過結婚一切從簡,主要跟家人簡單食飯,果然言出必行,昨日與Joyce於金鐘一家酒店低調舉行註冊儀式兼結婚酒會,據知酒會以自助餐形式進行,連酒水結帳只需約5萬元,絕對是「快、靚、正」!

拍拖唔夠1年<br>韋家雄帶未婚妻重遊瀑布灣,分享當年險遇溺的經歷。

  • 拍拖唔夠1年

    韋家雄帶未婚妻重遊瀑布灣,分享當年險遇溺的經歷。
兩口子流露幸福笑容。

  • 兩口子流露幸福笑容。
韋家雄與Keynes視愛犬如家人,未計劃造人。

  • 韋家雄與Keynes視愛犬如家人,未計劃造人。
Keynes樣靚身材正,逗得韋家雄笑開懷。

  • Keynes樣靚身材正,逗得韋家雄笑開懷。

抱B晒母愛

一對新人以「紅白藍」情侶裝便服現身,當中有來賓帶同BB到場,Joyce即母愛氾濫,抱住BB拍照,之後德斌獨自接受傳媒訪問,問他們為何不穿西裝和婚紗?他說:「已經着咗影婚照,今日只係同親戚朋友開Party食吓嘢,所以簡便啲。」至於婚禮為何如此低調?他笑說:「不嬲都係咁。」又澄清跟Joyce拍拖只有13年,並非18年。問到如何維繫感情?他竟笑稱不知道:「大家一齊咪一齊,唔知點答你,哈哈!」但他指老婆很了解其性格,婚前婚後都會互相欣賞、遷就、信任和尊重。問為何突然結婚?他笑說:「冇o架!你哋成日問我,我話隨時都得,冇話定幾時。」對於生小朋友,他則指隨緣,婚後第二日要復工,未有計劃度蜜月。德斌夫婦其後於7時許離開酒店,他先安排親友上車,Joyce則躲於大堂,再會合老公離場。

麥子樂:突然請飲

一班圈中好友包括麥子樂、趙希洛和監製戚其義等有到場祝賀一對新人,麥子樂約於晚上7時離開,表示跟一對新人稔熟,故只是封利是沒有送禮:「祝百年好合,永結同心。」問有否祝早生貴子?他說:「唔祝呢啲,最緊要白頭到老,同一對新人識咗好多年,佢哋好恩愛,相處好好,頭先佢哋同一班朋友都好開心。」不過他坦言這場婚禮有點突然,自己是臨時收到通知。而趙希洛則稱入行首套劇是跟德斌合作,大讚他是好男人,很有風度。






鍾意就快D Share啦!