掃呢頁CODE去手機

2018年9月6日 星期四

《延禧攻略》:《延禧》有後!Bob祖藍激似清代真‧妃嬪 __,Bob,《延禧》,延禧攻略,林盛斌,王祖藍,祖藍,

若要人似我,除非真係有兩個我,Bob同祖藍上一世身份係咩?內地熱爆劇《延禧攻略》Hit到癲,人人都走去扮妃嬪同宮女,不過有網友真係連史書舊照都唔放過, ...


若要人似我,除非真係有兩個我,Bob同祖藍上一世身份係咩?


內地熱爆劇《延禧攻略》Hit到癲,人人都走去扮妃嬪同宮女,不過有網友真係連史書舊照都唔放過,人人清史學家上身翻查乾隆嘅歷史,使唔使咁認真先?

歷史係令人着迷嘅,有人搵到兩張清代嘅妃嬪相入面嘅主人翁好熟面口,赫然發現,兩位妃嬪竟然同林盛斌與王祖藍幾乎生得一模一樣,面容五官如出一轍外,最緊要連氣質都似埋,有網民話如果真係有前世今生,Bob同祖藍上一世或上上一世一定係妃子。

Bob見網民咁熱心,佢都忍唔住喺社交網開心Share呢張咁彌足珍貴嘅相,仲留言話:「如果《延禧攻略》開續集,我同祖藍冇理由冇份拍囉.....」Well...網友見狀都留言話如果Bob同祖藍拍《延禧》續集做妃子,乾隆死咗都可以翻生。

東網打畀Bob,佢自己都話張相同佢哋似到癲:「真係似嘅,哈哈!不過祖藍嗰張似啲!同埋如果真係開續集,可以當係老表系列嘅前傳,叫《老禧,你好嘢》!」


來源 source: http://hk.on.cc
鍾意就快D Share啦!