掃呢頁CODE去手機

2018年9月2日 星期日

【千呎大屋紮紮跳】四子女過開心童年 Bob嫂:讀書唔係最差就OK __,Bob,林盛斌,

Bob嘅囡囡都好乖,媽咪一叫就會乖乖坐定定影相。(攝影﹕林賓尼、葉君海)
暑假放完喇!學生哥聽日就要準備開學,家長當然係最忙嗰個,尤其係讀傳統學校嘅小朋友,家長要幫忙準備書簿、校服同檢查小朋友嘅暑假作業等等,真係好唔得閒。照 ...


暑假放完喇!學生哥聽日就要準備開學,家長當然係最忙嗰個,尤其係讀傳統學校嘅小朋友,家長要幫忙準備書簿、校服同檢查小朋友嘅暑假作業等等,真係好唔得閒。



照顧一個小朋友都咁辛苦,何況四個呢?!



38嘅林盛斌(Bob)最近發現有三條心臟血管塞咗,立即入院做通波仔手術,現階段要好好休息。(相關新聞﹕ https://bit.ly/2LIB3oO )咁子女開學呢啲問題,就要靠晒老婆黃乙頤(Pearl)喇,日前《蘋果》到訪Bob位於旺角嘅逾千呎豪宅做訪問,一入屋已見到三位活潑好動,分別10歲嘅霏兒(Faye)、6歲嘅熹兒(Haye)同3歲嘅機兒(Kaye)跑來跑去,又喺梳化跳上跳落,非常之開心。而最細弟弟,剛滿1歲嘅道申(Jaye)就留喺房間瞓覺豬。大家姐霏兒話:「暑假作業大部份喺學校做晒,較難嗰啲,之前去到加拿大先做。」



Bob一家早前到加拿大一個月放暑假,讓女兒參加Rocket camp,教授基本火箭製作過程,霏兒好興奮咁拎出製成品show畀大家睇。Pearl話:「冇額外畀練習佢哋做,向來唔想俾仔女太大壓力,只要唔係最差嗰個就OK。不過大家姐今年讀小五,要考呈分試,都要逐步增加(練習),唔係太懶散又唔得。」點解選擇傳統學校?Pearl話:「我哋都係傳統學校出嚟,紀律會嚴謹啲,想佢哋學好基本嘅中文、普通話,如果想佢哋英文好啲就再俾啲courses佢哋上,等佢哋大啲先再作其他選擇。」



Pearl早前推出一本《學生仔手冊》講父母湊子女苦與樂,Pearl話最希望小朋友學懂珍惜,佢話﹕「通常妹妹都會跟埋家姐讀同一間學校,但我都要二妹同三妹去考入學試,我每次都報考七、八間,等佢哋知道讀書係要過五關斬六將,當年大家姐都要考試,要俾佢哋知道幸福唔係必然。」至於校服同書簿,Pearl亦堅持一個留一個,佢笑笑口話:「其實我都會掉嘢,但校服同書簿真係專登留嘅,尤其係幼稚園,除咗校服要改少少,書薄都好新正,因為以前有包書,所以保存得好好,每本書嘅名都係一個個貼上面。」



精選娛聞,喺晒《娛果》

http://fb.com/appledailyent



Bob嘅囡囡都好乖,媽咪一叫就會乖乖坐定定影相。(攝影﹕林賓尼、葉君海) Bob嘅千尺大屋,可以俾小朋友好多空間走動。 Bob嘅千尺大屋,可以俾小朋友好多空間走動。
小朋友多屋企就變得熱鬧,呢啲咁搞笑嘅動作,一齊玩就最開心。

小朋友多屋企就變得熱鬧,呢啲咁搞笑嘅動作,一齊玩就最開心。
三女機兒雖然要著兩位家姐嘅舊校服,Pearl話想佢哋學懂珍惜。

三女機兒雖然要著兩位家姐嘅舊校服,Pearl話想佢哋學懂珍惜。
Pearl會留起幼稚園教科書,一個傳一個。

Pearl會留起幼稚園教科書,一個傳一個。
開學前都要幫小朋友檢查暑期作業。

開學前都要幫小朋友檢查暑期作業。
大女霏兒有學鋼琴,但考試都係近年嘅事,Pearl話唔想畀囡囡太大壓力。

大女霏兒有學鋼琴,但考試都係近年嘅事,Pearl話唔想畀囡囡太大壓力。
暑期其間都有安排小朋友去加拿大參加Rocket camp。

暑期其間都有安排小朋友去加拿大參加Rocket camp。
一家人去咗加拿大度過開心暑期。(受訪者提供)

一家人去咗加拿大度過開心暑期。(受訪者提供)

鍾意就快D Share啦!