網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月15日 星期六

馮盈盈為失言解畫 莊思明斥好Cheap __,思明,盈盈,莊思明,馮盈盈,

馮盈盈再因出位言論惹來網民熱議。
馮盈盈為失言解畫莊思明斥好Cheap前港姐冠軍馮盈盈說話肆無忌憚,當選以來,出位言論夠出語錄,早前她於節目又再亂噏廿四,竟將港姐與「做雞」和「公廁」拉 ...


馮盈盈為失言解畫 莊思明斥好Cheap

前港姐冠軍馮盈盈說話肆無忌憚,當選以來,出位言論夠出語錄,早前她於節目又再亂噏廿四,竟將港姐與「做雞」和「公廁」拉上關係,引起網民熱議,有港姐前輩更對她有微言!昨日馮盈盈急撲火強調非個人意見,義氣女拍檔麥明詩更攬上身,硬認有份一齊講。

馮盈盈、麥明詩和陸浩明等主持的節目《#後生仔傾吓偈》以語出驚人作為賣點,本月10日播出的第178集內容提及「港姐嫁有錢人」,她又再爆Seed!陸浩明先勾起話題:「如果男仔入贅就畀人話食軟飯。」盈盈聽罷突然激動地說:「如果我哋嫁畀有錢人,就畀人話睇死佢想釣金龜係雞!係公廁!」麥明詩亦幫口說:「畀人話選港姐就係為咗咁!」

麥明詩攬上身話有份講

對於被指失言,馮盈盈昨日解釋「公廁論」並非由她講,真正的始作俑者是網民:「我係覆述緊一啲食花生、不懷好意嘅網民言論,唔係代表我嘅意見同立場,我對呢啲言論持反對意見,我唔認同!女仔去搵想要嘅婚姻,有乜問題?應該自主去掌握幸福,我係為女權平反,希望大家公開討論同正視。(覺得用詞太露骨?)其實網上攻擊女性嘅用詞,再粗鄙啲、露骨啲、具攻擊性啲,我只係拎出嚟討論,要正視嘅係點解喺網上攻擊人就冇問題?拎上節目講就有問題?」她覺得節目尺度也是有價值的討論。陸浩明亦撐盈盈只是轉述網民睇法,麥明詩更加攬埋上身:「佢講嗰啲同我講一模一樣,你當我哋係集體表示得我唔會勸盈盈,佢冇問題,只係拎出嚟講,唔需要避忌。」

反感<br>莊思明認為不應為出位而用過激字眼。
  • 反感

    莊思明認為不應為出位而用過激字眼。
麥明詩(右)幫口為馮盈盈解畫,指她們是因為不認同「公廁論」才講。

  • 麥明詩(右)幫口為馮盈盈解畫,指她們是因為不認同「公廁論」才講。

朱潔儀:咁肉酸嘅!

不過,「公廁論」卻令港姐前輩有意見,2010年港姐季軍莊思明大感不該:「唔好話佢係港姐,就算係公眾人物都唔應該喺個節目咁講,個節目咁多年輕人睇,首先對自己個形象唔好,第二會有損香港小姐嘅身份,第三佢會影響到新一代嘅想法。我唔知佢咁講係咪為咗節目效果同想Keep住有Noise,但成個感覺好Cheap,佢可以用其他字眼表達,唔需要用到咁激進嘅字眼,唔好為出位而用呢啲字眼。」前港姐亞軍朱潔儀則說:「冇聽過人哋咁講過港姐,邊度聽番嚟?咁肉酸嘅!以前選美時,啲總監教我哋做港姐要慎言。」






鍾意就快D Share啦!