掃呢頁CODE去手機

2018年9月14日 星期五

【坤哥個ex好把炮】吳業坤親口承認前度竟然係佢 偽毒何德何能? __,吳業坤,坤哥,

坤哥吳業坤嘅毒宅形象睇落零殺傷力,所以入行8年嚟成功同唔少女藝人扯上過關係,包括:Aka、龔嘉欣、王卓淇、孫慧雪、林穎彤、許靖韻、鄧佩儀、吳若希、黃心 ...




坤哥吳業坤嘅毒宅形象睇落零殺傷力,所以入行8年嚟成功同唔少女藝人扯上過關係,包括:Aka、龔嘉欣、王卓淇、孫慧雪、林穎彤、許靖韻、鄧佩儀、吳若希、黃心穎、杜小喬、麥明詩等等。當中有幾多係真幾多係假唔清楚,但佢而家親口承認嘅ex(前度)就有一個,真係估佢唔到竟然係何家千金超蓮。

情況是咁的:有時同朋友吹水,難免放低戒心講咗真心話,坤哥同JW老友鬼鬼,更爆響口話何超蓮係佢個ex。為免口同鼻拗,JW更拍低咗片放上網,實行嚟個有片有真相:「(你話超蓮係你邊個話?你個ex呀你話?)唔係啦梗係!(你頭先話係你個ex喎。)唔係喎,你頭先話夢中情人吖嘛,係ex夢中情人。(咁即係而家唔鍾意喇?)而家JW正啲。」

簡簡單單嘅15秒片段,坤哥就可以冧到JW咁開心,又成功同超蓮扯上關係,認真高招。難怪咁多巴打不忿坤哥可以「食」咁多女,話佢「偽毒可恥」啦。

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

鍾意就快D Share啦!