掃呢頁CODE去手機

2018年9月23日 星期日

【令妃駕到fans下跪拜見】吳謹言親切唔耍大牌 粉絲一仆一碌在所不惜 __,吳謹言,

【令妃駕到fans下跪拜見】吳謹言親切唔耍大牌粉絲一仆一碌在所不惜魏瓔珞始終係《延禧》女主角,加上人物性格剛強睿智魅力十足,所以吳謹言嘅接機場面比爾晴 ...


  • 【令妃駕到fans下跪拜見】吳謹言親切唔耍大牌 粉絲一仆一碌在所不惜


  • 魏瓔珞始終係《延禧》女主角,加上人物性格剛強睿智魅力十足,所以吳謹言嘅接機場面比爾晴(蘇青飾)墟撼好多,正常不過。見到場面墟撼、fans又熱情,吳謹言都不禁喜行于色,全程笑盈盈咁向在場人士揮手打招呼,兼以廣東話講「大家好」,一啲都無之前新聞所報導嘅「耍大牌」感覺。

    之後吳謹言接受在場傳媒訪問,佢話之前都有嚟過香港旅行,最鍾意飲奶茶。再被問到想同邊位港星合作,佢又好識做咁答「期待再跟佘詩曼合作」。

    除咗對在場媒體有問有答,吳謹言對接機fans亦都好親近,不時與fans互動閒聊:「(粉絲:『你喜歡吃榴槤嗎?』)喜歡。(粉絲:『那下次送你榴槤吃,繼得吃喔。』)」得到令妃娘娘回應,粉絲們開心到見牙唔見眼,仲一個唔留神跌到一仆一碌添,就好似見到娘娘要下跪拜見咁。不過難得偶像就喺眼前,咩痛都唔記得晒啦,甚至值得一痛添呀,立即企返起身繼續追星。

    其實見到《延禧》班演員嚟到香港咁受歡迎就覺得有啲sad,因為香港電視劇界別好耐無見呢種全城追劇潮喇,今次有都係拜內地劇所賜。《延禧》無論劇定係演員都大受追捧,足見內地劇風頭強勁,大台會否就因此增加添購、播放內地劇,而本地制作就越嚟越放輕手腳呢?畢竟現實情況係就算大台落重本製作所謂重頭劇,但到頭來都雷聲大雨點少無乜noise甚至負評不斷,所以港劇質素以至於生存空間真係令人擔憂。

    即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app


    鍾意就快D Share啦!