2018年9月13日 星期四

英超Fever:曼聯死亡筆記 馬達等四大球星冇得續約 __,曼聯,

(互聯網)曼聯本季出閘脫腳,頭三輪聯賽輸咗兩輪,雖然上仗擊敗般尼止血,但球隊千瘡百孔,領隊莫連奴又同高層唔妥,紅魔鬼本季險阻重重。除要於逆境下爭取佳績 ...


(互聯網)


曼聯本季出閘脫腳,頭三輪聯賽輸咗兩輪,雖然上仗擊敗般尼止血,但球隊千瘡百孔,領隊莫連奴又同高層唔妥,紅魔鬼本季險阻重重。除要於逆境下爭取佳績外,寸王亦要從速展開主力續約行動。曼聯現時陣中有多達十二名球員,進入合約最後一季,當中包括鋼門迪基亞,如果處理得唔好,分分鐘引發大災難。

據《曼徹斯特晚報》報道,曼聯將會於短期內,為八名球員包括迪基亞、安東尼馬迪爾、路爾斯華倫西亞、菲爾鍾斯、基斯史摩寧、達美安、安達斯彭利拿、占士韋遜續新約,以免佢哋於季尾以自由身離開。

但唔係個個都咁好彩有得續約,《曼徹斯特晚報》爆料,現時球會未有意途同勞基梳爾、艾舒利楊格、安達靴里拉及桑馬達續約,呢個消息非常震撼,其中桑馬達係唔少魔粉心目中嘅寵兒,可惜佢一直都不得寸王歡心;安達靴里拉一直徘徊於正選、後備之間,離開亦非常可惜;勞基梳爾更於本季大爆發,係目前少數表現出色嘅曼聯球員,但佢不嬲都唔係寸王杯茶,而且又屬玻璃腳;楊格於上季及世界盃都有理想演出,但年紀一把,都會被曼聯放棄。《曼徹斯特晚報》表示,佢哋四個勢必離隊,於來年一月就可同其他球會接觸,為下季謀出路。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...