掃呢頁CODE去手機

2018年9月6日 星期四

英超Fever:A山突爆驚人決定 曼聯生涯終現曙光 __,曼聯,

阿歷斯山齊士有望爆發。(互聯網)大件事!A山情變分手呀!今年初由阿仙奴高調加盟嘅智利神鋒阿歷斯山齊士,點知來投半季有多,表現一直未如理想,重未展現出昔 ...


阿歷斯山齊士有望爆發。(互聯網)


大件事!A山情變分手呀!今年初由阿仙奴高調加盟嘅智利神鋒阿歷斯山齊士,點知來投半季有多,表現一直未如理想,重未展現出昔日喺阿仙奴時候嘅光芒。之前一直有指佢可能狀態未足,或受傷患影響,甚至有傳主帥莫連奴要求佢嚟緊缺席國際賽,只係為谷起佢狀態幫曼聯爭勝,不過,今晨A山突然宣布咗同拍拖一年嘅女友美迪洛迪古絲分手,二人懷疑拖拉多月,影響表現,今次正式分開,或者有助A山往後專心比賽都未定呀!

事實上,早喺今年五月,二人喺社交網都刪走咗對方嘅相,已經令人猜測佢哋分手,只係當時A山發爛渣大鬧,批評他人妒忌佢哋咁話,只可惜捱到九月,終於都係要分開。A山喺今日聲明超情深咁話:「我希望你永遠幸福,能夠遇上你,與你度過無數溫馨時刻,實在很美好;但我哋都決定要行番各自嘅路,追求我哋嘅理想。我平時好少咁做,但今次我希望所有唔知內情嘅人,能夠給予我哋尊重,因為所有嘢都會影響我哋家人、小孩.....尊重呀!」

希望A山可以做到情場失意,職場得意始終佢加盟曼聯以嚟,喺聯賽先入得兩粒波,狀態一直唔掂。依家感情生活問題搞清楚,再經過國際賽抖抖,都係時間踢番好波

東網體育同你追實體壇每個精彩時刻! 

https://goo.gl/ewVpvE 


來源 source: http://hk.on.cc
鍾意就快D Share啦!