【爆相爆片】靚媽Jessica C.（JC）日前喺西環單拖湊女，被《蘋果》讀者凌先生透過「爆相爆片」分享當時情況。當日大概下午3點半，JC推住BB車，兩歲大女Tessa就坐喺車入面。今年6月生完細仔嘅JC，已經差唔多收晒身，黑色小背心襯短褲，仲露出誘人事業線！
落緊少少雨
讀者凌先生見到JC母女喺西環堅尼地城海旁，佢話：「佢哋行去西祥街，JC推住架BB車過馬路，佢見到第一架車經過停喺度，過咗架車佢就急急腳，推住架車過馬路，見佢跑嗰時波濤胸湧，但當時仲係行人紅燈，同埋落緊少少雨，都有少少危險。」
過完馬路，JC推住架BB車行咗去附近嘅寶翠園商場，佢入到商場等𨋢嗰陣，彎低身同囡囡傾咗幾句，仲好有警覺性見到俾人影緊，佢笑咗笑，之後就同Tessa入咗商場行街。其實JC身為兩個小朋友嘅媽咪，好應該以身作則，帶住囡囡衝紅燈過馬路真係好危險，況且亂過馬路最高罰款2,000元，罰款事小，兩母女人身安全事大，仲會嚇親老公安志杰㖭。
來源 source: http://hk.entertainment.appledaily.com
|
鍾意就快D Share啦！
|
|
|
