掃呢頁CODE去手機

2018年9月5日 星期三

傳與王子車內纏綿 Stephy:佢埋嚟睇手機 __,Stephy,手機,手機平板,王子,鄧麗欣,邱勝翊,

鄧麗欣講到明唔會喺公眾場所同男友王子咀嘴,不過齊齊搵錢又OK喎。
鄧麗欣講到明唔會喺公眾場所同男友王子咀嘴,不過齊齊搵錢又OK喎。古天樂、張智霖(Chilam)、鄭嘉穎同鄧麗欣(Stephy)等前晚出席《L風暴》慶功 ...


古天樂、張智霖(Chilam)、鄭嘉穎同鄧麗欣(Stephy)等前晚出席《L風暴》慶功宴。講到有報道話Stephy同男友邱勝翊(王子)喺車內纏綿,Stephy話︰「冇呀!當時應該係研究吓食乜嘢!」佢仲話︰「嗰陣我用手機睇緊有乜嘢好食,佢伸個頭埋嚟睇埋一份。」佢強調自己唔會同男友當街親熱︰「梗唔會!反而會保持距離。喺街唔想太纏綿,同埋習慣前後腳,公開咗唔代表可以高調拍拖,尤其喺香港,感覺好多人睇住。」



王子 資料圖片

王子 資料圖片
鄭嘉穎心情靚爆,仲笑住話自己黑面最出名。

鄭嘉穎心情靚爆,仲笑住話自己黑面最出名。
《L風暴》票房報捷,羅蘭姐都恭喜男主角古天樂同張智霖。

《L風暴》票房報捷,羅蘭姐都恭喜男主角古天樂同張智霖。

嘉穎認黑面最強

同場嘅嘉穎心情靚爆,問到佢老婆陳凱琳早前參與港姐活動,事後有冇談論黑面港姐工藤佑采,佢搞笑話︰「黑面黑得過我咩?我黑面最出名,睇心情,要黑就黑,如果你要玩性格,就要貫徹始終,唔好一時黑一時唔黑,不過要承受後果,因為一定有人話你。」

《L風暴》突破1千萬票房,Chilam話︰「感恩票房咁好,今次演員班底真係好似黃金時代嘅電視劇。」對於蕭定一巨額同佢續約,佢笑住話︰「係咪真㗎?其實我哋仲有一年約,我係開過啲條件,但未傾到價錢。」佢仲話早前出席城城囡囡生日會,靚靚揀咗份有心思嘅禮物︰「城城個女似邊個?我唔識分,因為仲細。」

撰文:馮仁昭




鍾意就快D Share啦!