掃呢頁CODE去手機

2018年9月8日 星期六

【爆相爆片】陳展鵬孖女友蜜遊倫敦百年市集 互相餵食超sweet __,展鵬,爆相爆片,陳展,陳展鵬,

陳展鵬同女友單文柔到英國Borough Market,邊行邊食好有默契。(讀者提供/ig圖片)
41歲嘅陳展鵬情歸28歲、2016年落選港姐單文柔(Phoebe),起初展鵬同定欣班fans都難以接受,不停喺單文柔嘅社交網上留言攻擊,話佢係壞女人、 ...


41歲嘅陳展鵬情歸28歲、2016年落選港姐單文柔(Phoebe),起初展鵬同定欣班fans都難以接受,不停喺單文柔嘅社交網上留言攻擊,話佢係壞女人、好唔襯。不過時間耐咗,煎Pang同單文柔呢pair愈睇愈順眼,早前更以情侶檔姿態一齊出活動搵真銀,甚有夫唱婦隨feel。



日前《蘋果》讀者Fion透過「爆相爆片」,表示日前下午3點左右喺倫敦有過百年歷史嘅Borough Market見到陳展鵬同單文柔,同行仲有一名穿黑色外套嘅女仔。單文柔曾經去過英國升讀倫敦藝術大學倫敦時尚學院,今次重遊舊地,相信黑衫女仔都係單文柔嘅朋友,趁機將男友介紹俾對方認識。



陳展鵬同單文柔衣著好相襯,頸上都戴住一條大頸巾保暖。Fion話﹕「佢哋望落都幾sweet,因陳展鵬會喺food stalls前面餵女朋友食嘢。佢哋都買咗好多嘢食,例如有好多新鮮雜菇煮嘅飯,之後又行去其他food stores買燒香腸、芝士、烤肉等,佢地後來仲有返去買生蠔,全部都係買一份,然後share。」讀者話佢哋連俾錢都好有默契﹕「佢地一齊數錢,跟住就由男仔負責俾。」而身邊嘅朋友都好識做,間唔中會行遠少少,俾機會佢哋二人世界。



而前度緋聞女友胡定欣上月初突然unfollow陳展鵬(煎Pang)嘅ig賬戶,定欣話係「好個人嘅事」唔想解釋太多。但明眼人一睇,都覺得係同單文柔「介入」有關,搞到定欣心已死。(相關新聞﹕ https://bit.ly/2Q37DoK )



精選娛聞,喺晒《娛果》

http://fb.com/appledailyent



陳展鵬同女友單文柔到英國Borough Market,邊行邊食好有默契。(讀者提供/ig圖片) 兩個人夾份數錢。(讀者提供) 兩個人夾份數錢。(讀者提供)
仲有買蠔食,女友人(束髮)間中會自己行開。(讀者提供)

仲有買蠔食,女友人(束髮)間中會自己行開。(讀者提供)
陳展鵬同單文柔去年被影到去山頂談情。(資料圖片)

陳展鵬同單文柔去年被影到去山頂談情。(資料圖片)
兩人感情一日千里,早前情侶檔出活動搵真銀。(ig圖片)

兩人感情一日千里,早前情侶檔出活動搵真銀。(ig圖片)
最近有傳胡定欣新劇被飛,不願再與展鵬合作。(無綫電視截圖)

最近有傳胡定欣新劇被飛,不願再與展鵬合作。(無綫電視截圖)

鍾意就快D Share啦!