掃呢頁CODE去手機

2018年9月13日 星期四

【勁尷尬】小春首見家長叫Uncle 應采兒老竇:我只比你大六歲 __,小春,應采兒,陳小春,

應采兒喺大陸節目爆老公見爸爸時嘅尷尬情況。
應采兒同陳小春兩公婆,之前就為大陸芒果台拍攝真人騷節目《妻子的浪漫旅行》,節目內容就係一班老婆去旅行,而老公就遙距咁睇老婆去旅行嘅情況,從而更了解另一 ...


應采兒同陳小春兩公婆,之前就為大陸芒果台拍攝真人騷節目《妻子的浪漫旅行》,節目內容就係一班老婆去旅行,而老公就遙距咁睇老婆去旅行嘅情況,從而更了解另一半。



咁最近一集呢,一班老婆包括謝娜同應采兒等坐喺車入面,應采兒就被問到做過最瘋狂嘅事,佢就大爆當年小春首次到其家中拜訪嘅瘀事。應采兒話小春一見到佢老竇丁漢時,就開口叫丁父:「Uncle!」當時丁漢就即刻打住說:「別叫我Uncle,我只比你大六歲。」



應采兒自己講完都忍唔住大笑,坐喺身旁嘅謝娜就收歛啲,只係露出微笑。之後應采兒再講,:「我爸之後跟我說:『丁丁,其實呢,你以後甚麼男朋友啦,如果不是很太認真就不要介紹給我了。』他跟我說我剛人家相熟,你就跟人家分手,他說我很尷尬,所以他最後認識我老公的時候,其實是抱着一個不是很樂觀的態度,結果我要結婚的時候,他只跟我老公講一句話『保重』,他覺得娶我是很不容易。」



精選娛聞,喺晒《娛果》

http://fb.com/appledailyent



應采兒喺大陸節目爆老公見爸爸時嘅尷尬情況。 (互聯網截圖) (互聯網截圖)
(互聯網截圖)

(互聯網截圖)
應采兒爸爸丁漢(資料圖片)

應采兒爸爸丁漢(資料圖片)

鍾意就快D Share啦!