唔少藝人選擇喺美國秘婚，但科技發達，9年前多位天王天后都先後被《蘋果》透過網頁搜尋到佢哋結婚證明，包括劉德華同朱麗倩、楊千嬅同丁子高，以及黎明同樂基兒，本報都先後於09年喺內華達州克拉克縣一個公共搜尋網中，發現佢哋喺美國賭城註冊結婚。
近日江美儀被爆同拍拖多年嘅吳君如胞弟吳君祥分手，江美儀話分咗手兩年，點知噚日吳君祥爸爸夏春秋（冬叔）就爆佢哋2006年喺美國西雅圖結咗婚，換言之今次佢哋係離婚而唔係分手咁簡單。事後江美儀同吳君祥聲稱冬叔記錯，冬叔今日接受《蘋果》訪問時，亦話自己搞錯話：「佢（吳君祥）嗰時識咗美儀，我就叫佢快啲結婚佢話好呀好呀：「我o依家就去西雅圖結。」咁我話：「咁就好」就係咁，我咪一直以為佢哋係結咗囉！嗰陣佢哋又冇儀式又冇擺酒！我就係咁以為佢地當時註咗冊囉！」（相關新聞： https://bit.ly/2ODfBHk ）
正當大家以為真係冬叔搞錯之際，《蘋果》今日喺美國Kings County一個公眾搜尋網，竟然搵到江美儀同吳君祥嘅結婚證明，當中清楚註明吳君祥Ng Kwan Cheung同Elena May Yee Kong喺2006年3月23日註冊結婚，即係話，冬叔冇搞錯。
對於06年結婚證明曝光，係咪講大話？江美儀今日回覆傳媒時繼續扮失憶，留咗兩個滴汗emoji後話：「真係唔記得咗呀！十幾年前，可能飲醉酒做錯事。」記者笑佢下次要小心啲，佢話：「仲有下次？都想有新戀情，但隨緣啦。」記者再搵冬叔，佢透過短訊話:「請不要再問我他們的事了。為此我們已產生意見！我實在全不知情！」
精選娛聞，喺晒《娛果》
http://fb.com/appledailyent
| (網上截圖/資料圖片) | | |
| |
|
鍾意就快D Share啦！
|
|
|