秋生話亡母將於12月29日出殯，並舉行土葬。
影帝黃秋生為英國劇集《陌路追凶》宣傳，原定本年底到澳洲探訪哥哥的他，因近日喪母而取消行程，將順延至明年才起行。
忙於處理母親身後事的秋生，透露母親昨晚頭七，問到母親可有「回家」？他謂：「一早返咗嚟，行嚟行去，食飯按摩，拍手拍腳，到走咗第三日拉工人隻腳添，我叫佢唔好嚇人，之後佢就冇再返嚟，但我聽晚就會返去瞓。」
問到有否為母親準備生前食物？秋生表示日日一大枱食物，會擺放至「入伙」，更謂：「媽咪冇宗教，以前會裝香拜神，熱鬧啲就揀咗道教喪禮，因為可以分散精神，太寧靜會頂唔順梗會喊，好多回憶，依家定咗12月29日香港殯儀館，第二日出殯，土葬（心情平復未？）都驚，因為同我想像中唔同，依家好平靜同冷靜，所以有少少恐懼。」
新劇出現「鄭裕玲」？
此外，秋生亦大談拍攝《陌》劇感受，透露為該劇分別於英國及香港取景四個月，大讚劇中兩位主角John Simm及Sally Porter非常專業，John為人斯文，很地道英國紳士，脾氣好兼斯文，面對其英語非母語，即鼓勵對方詢問他，Sally則與鄭裕玲相似，他謂：「我哋都叫佢Do姐，佢啲眼神好有殺氣，好靈，戲又好（外國拍戲有冇被歧視？）唔覺，聽謂華人演員喺英國多咗機會。」
秋生不諱言喜歡當地生活，故有趁拍攝空檔巡博物館、睇音樂劇等，更指私生子William也有見面，問到可會拍攝該劇第二季？他謂：「冇參與，不過英國經理人公司話套劇喺英國受歡迎，所以都有其他casting（開拓英國市場？）未拓到，我希望有第二部，都鍾意英國生活，用英語演戲有挑戰性，我喺香港係無謂人，又冇眼睇，多講冇益。」
來源 source: http://hk.on.cc
|
鍾意就快D Share啦！
|
|
|