掃呢頁CODE去手機

2018年10月4日 星期四

吳志誠26歲嫩妻行股惑 何艷娟餅印媽黑面監場嚴打性感 __,何艷娟,

假如,你老婆好似何艷娟咁年輕貌美身材又好。作為男人嘅你,會唔會介意佢著得少布露晒肉,仲要行「股惑」咁引人犯罪呢?早前,《壹》仔一連兩日見到何艷娟四圍s ...




假如,你老婆好似何艷娟咁年輕貌美身材又好。作為男人嘅你,會唔會介意佢著得少布露晒肉,仲要行「股惑」咁引人犯罪呢?

早前,《壹》仔一連兩日見到何艷娟四圍shopping掃貨。話時話,有何艷娟嘅地方,最近就會見到餅印媽嘅身影,究竟係孝順陪阿媽,定係驚個女被狂蜂浪碟搔擾,所以要傍實,免得得失好女婿吳志誠呢?

有阿媽𥄫實,何艷娟多數都係cap帽素顏包到冚,睇落好安全,唔會太銷魂,更唔會被阿媽「吟吟沉沉」,買衫都買得暢快爽利好多,睇啱就拎、隨手就一件,而且啲衫睇落好斯文,一啲性感懸念都無,阿媽絕對唔會反對。

不過,當第二日出街無阿媽喺身邊𥄫實,何艷娟即時美少女轉身變,不單只化行妝,更一身戰鬥格,即刻著上前一日買嘅新衫。佢真係鬼馬喇,原來件新衫睇落安全,實際係件極薄透視裝,令何艷娟嘅tube top同小蠻腰若隱若現。仲未夠,下身熱褲晒白滑長腿之餘,仲出埋「股惑」,白白淨無老泥架。

唔係講笑,真係有麻甩佬眼甘甘𥄫住架!所以,何媽媽突然殺出監場,見到呢個「股惑」女,即時黑晒面,得咗。

給女士一個家,就係「嫁」。呢一點,吳志誠絕對嫁得過,單係俾何艷娟嘅訂情禮物,已經係千八萬嘅君臨天下單位。所以,難怪阿媽咁緊張架。

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app


鍾意就快D Share啦!