掃呢頁CODE去手機

2018年10月31日 星期三

劉穎鏇:《3日2夜》攻陷宅男 劉穎鏇升呢做女神 __,劉穎鏇,女神,《3日2夜》,

鏇BB真係好正呀!如果大家有睇無綫旅遊節目《3日2夜》嘅土耳其篇,相信都會畀「純純兔」劉穎鏇(Tiffany)吸引住,會想飛埋去同佢一齊感受沖土耳其浴 ...


鏇BB真係好正呀!


如果大家有睇無綫旅遊節目《3日2夜》嘅土耳其篇,相信都會畀「純純兔」劉穎鏇(Tiffany)吸引住,會想飛埋去同佢一齊感受沖土耳其浴嘅滋味,諗起都爽呀!

Tiffany係2016年港姐亞軍,即係馮盈盈攞冠軍嗰屆,如果盈盈係貼地到喻為「地平線港姐」嘅話,Tiffany一定係畀到男人有種「初戀呀!」嘅百份百「純純女神」,當年佢屈居阿二,但就好多網民都話論樣論身材索過馮盈盈,佢攞冠軍仲啱數。

依家只係21歲嘅Tiffany青春無限放閃,係男人最完美嘅「初戀100%」對象,樣子清純,擁有42吋長腿,喺美國讀書時已經係籃球隊,「好波」真係唔在講,加埋講得一口流利英語,唔少巴打聽到Tiffany講ABC都冧滋滋,讚佢英文講得份外好聽喎!佢竹星妹嘅爽朗性格,被委派做新一輯《學是學非》嘅「是非精」,心口即時掛咗個「勇」字,畏高都奉命玩Sky Jump,喺由超過5樓高嘅地方,完全無牽繩下直墮安全網上,慘烈嘅尖叫後,佢喊住咁話:「我終於知道死嘅感覺。」呢幕豁出去嘅自虐演出,仲唔睇到班巴打心都痛埋想呵番佢咩?

Tiffany選完港姐後留港發展,男友喺美國繼續讀書,Long D關係抱住順其自然,佢話點揀都係工作行先!無他嘅,成為新一代巴打女神梗係要食住上啦,早排仲有份拍無綫台慶劇《兄弟》添!不過,Tiffany都好孝順,決定網上修讀三年嘅大學課程,一圓父母心願完成學士學位!


來源 source: http://hk.on.cc
鍾意就快D Share啦!