現年29歲的陳靜（DaDa），雖然和68歲的邵音音年齡相距近40載，但因經常合作，成為莫逆之交。日前二人一同接受《蘋果》訪問兼挑戰玩VR遊戲（虛擬實境），雖然大家都是第一次玩，但果然薑越老越辣，音音姐表現淡定，相反DaDa看到有喪屍畫面，未玩先尖叫，要音音姐出手相救。
撰文：羅婉玲
攝影︰林德雄
邵音音和陳靜近年經常在電影中合作，雖然有年齡距離，卻能成為好友，音音姐說：「我同佢係付出真友誼，雖然年紀唔同，成長時代唔同，但面對電影界困境、開心唔開心同人際關係，私下我哋係真心做朋友，因為我哋好善良，係好人。」
守護文化遺產
與後輩相處沒有代溝，音音姐笑言是她的生命力：「係緣份，唔係冇人搵你拍，我咁嘅年紀一定唔係做主角，佢先至啱觀眾睇，哈哈我又頴撈。」DaDa自模特兒轉型做演員，她說：「我好感恩，好多人問我尺度係咪改變，其實我冇，冇話自己喺乜位置，拍戲我首選港產片，不論大小製作，香港嘅文化遺產係要守護。」音音姐聽後讚賞DaDa，又指她有支持香港電影的心，是很重要的事，而且要真心支持香港電影，因為她們拍的戲是給香港人睇。
最近DaDa和音音姐於電影《八步半喜怒哀樂》中首個單元故事《喜：喜宴》再合作，二人不約而同表示：「哈哈哈！好多次，起碼五、六部。」講到默契，DaDa說：「絕對有，每次佢都係做人哋阿媽，我好想有機會佢做我阿媽，而每次音音姐演嘅阿媽角色都好唔同，佢好百變。」
玩VR不停尖叫
在新片中，音音姐飾演張繼聰母親角色，又是DaDa的哎吔奶奶，音音姐抵死地說：「我就係佢夢中嘅奶奶，如果有一日佢結婚，一定好鍾意我呢個奶奶。」DaDa也興奮說︰「佢日日新鮮，我一定唔會悶，仲一齊打牌，又可以講人是非。」說罷二人雙視而笑。
二人除了支持港產片，訪問當日亦特意支持本地創作的VR遊戲。首次玩VR的DaDa和音音姐，穿上VR裝備時既期待又緊張，當二人看到自己進入遊戲時，音音姐好淡定站在原地，相反後生女DaDa，不時叫嚷着。原來DaDa很細膽，多年來只拍過一部恐怖片，所以當她看到VR遊戲中的一群如喪屍的敵人出現時，已不停尖叫。其後DaDa不敵被喪屍包圍，大叫：「音音姐救我呀！」音音姐二話不說用武器射殺喪屍幫她解圍。
化妝︰Pinko.C（DaDa）
髮型︰Jack Hung（DaDa）
場地提供︰SANDBOX VR
|
鍾意就快D Share啦！
|
|
|