掃呢頁CODE去手機

2018年10月13日 星期六

【獨家】41歲陳展鵬娶28歲單文柔 新娘登船開party攬實老公 __,陳展鵬,單文柔,

 (攝影:畢紹基、吳耀輝)
41歲視帝陳展鵬今日同28歲嘅港姐單文柔共諧連理,新郎今朝7點幾就到中環四季酒店準備接新娘,着住中式禮服嘅展鵬喺兄弟陪同下,成功接咗新娘,着紅色高衩旗 ...


41歲視帝陳展鵬今日同28歲嘅港姐單文柔共諧連理,新郎今朝7點幾就到中環四季酒店準備接新娘,着住中式禮服嘅展鵬喺兄弟陪同下,成功接咗新娘,着紅色高衩旗袍嘅單文柔撓實展鵬臂灣步出大堂,佢哋都笑不攏嘴。



一對新人應記者要求企定定影相,但就未有停步做訪問,可能趕時間,新郎同新娘上車,兄弟姊妹就坐另一架24座van跟着花車到中環9號碼頭駛去,花車經過中環摩天輪都有停低拍片同影相,展鵬好細心為老婆開車門。



當影完相,佢哋又向下一站出發,原來展鵬安排親友登上一首遊艇出海開P,現場所見,工作人員拎住一啲膠波物體同大堆道具上船,估計係用嚟玩遊戲,遊艇上早有布置,船頭有花,親友也一早登船坐在船艙,展鵬扶實着高踩鞋嘅文柔上船,因為有浪,單文柔都搖一搖,佢企唔穩攬實老公,兩人相對一笑。單文柔嘅高衩旗袍大風吹起,差點春光乍洩,幸好佢眼明手快按着,只係騷出白滑長腿,親友見一對新人步入船艙即歡呼喝采。當大家都登船,遊艇隨即隨向維港方向駛去。









精選娛聞,喺晒《娛果》

http://fb.com/appledailyen



(攝影:畢紹基、吳耀輝)



 攬實

攬實
 幾開心

幾開心
單文柔嘅高衩旗袍大風吹起

單文柔嘅高衩旗袍大風吹起

鍾意就快D Share啦!