掃呢頁CODE去手機

2018年10月15日 星期一

熱褲晒白滑長腿 47歲劉小慧靠辟穀養生 __,劉小慧,

已47歲的劉小慧,從背面看來仍然是一名少女。讀者提供圖片
已47歲的劉小慧,從背面看來仍然是一名少女。讀者提供圖片【爆相爆片】現年47歲的劉小慧與蘇志威結婚21年,育有兩名女兒的她,身形依然甚弗。讀者凌小姐透 ...


【爆相爆片】現年47歲的劉小慧與蘇志威結婚21年,育有兩名女兒的她,身形依然甚弗。讀者凌小姐透過「爆相爆片」分享小慧近照,當日小慧與11歲細女靖珺現身銅鑼灣,小慧身穿白tee襯紅色短褲騷長腿,甚為吸睛。凌小姐表示:「嗰日傍晚近6點,見到佢好熟口面,睇真啲原來係劉小慧,佢真人幾靚女,keep得幾好。兩母女去買外賣,細女似爸爸多啲,手腳都好瘦。小慧好白淨,腳毛都冇一條,化咗少少妝,一啲都唔似師奶。」

對於被大讚依然靚女,小慧回覆《蘋果》表示:「多謝,我一直有養生,又學緊中醫,當然keep得比較好啲。我一年會辟穀一次,我呢個辟穀係《黃帝內經》嘅。我師傅係中醫師,佢一直帶住我辟穀,唔係就咁唔食嘢,中間仲要做一啲『動工』,朝早吸太陽,下午行山,五日都唔食嘢,只係飲水同吸太陽精華。一年做一次辟穀,我覺得對身體好好。」



身穿白tee加短褲的劉小慧,與細女一齊行街。讀者提供圖片 身穿白tee加短褲的劉小慧,與細女一齊行街。讀者提供圖片
蘇志威與劉小慧結婚21年,一家四口生活幸福。微博圖片

蘇志威與劉小慧結婚21年,一家四口生活幸福。微博圖片
劉小慧(右)與關淑怡都曾是「寶麗金七小花」。資料圖片

劉小慧(右)與關淑怡都曾是「寶麗金七小花」。資料圖片

大女下月赴日

之前蘇志威曾透露19歲大女君蕎到日本學整甜品,問到大女是否身在日本,小慧說:「大女嚟緊下個月先去日本大阪讀書,我哋8月20幾號過去日本搵樓,啱啱去到風和日麗,走咗就打風。我本來諗住喺大阪買樓,但諗吓放番出去好煩,租畀人又好煩,索性租樓算啦。」

採訪:皓騫




鍾意就快D Share啦!