掃呢頁CODE去手機

2018年10月17日 星期三

張家瑩(張珮汶):【4萬花膠補身】張珮汶佗B五個月出巡 __,張家瑩,張珮汶,

開始見肚喇!女星張珮汶(前名張家瑩,Grace)貴為2007年亞姐冠軍,今年4月和圈外男友何駿杰於州際酒店低調擺婚宴後,一心諗住不設防,生一仔一女,湊 ...


開始見肚喇!


女星張珮汶(前名張家瑩,Grace)貴為2007年亞姐冠軍,今年4月和圈外男友何駿杰於州際酒店低調擺婚宴後,一心諗住不設防,生一仔一女,湊成「好」字便相夫教子,做幸福少奶奶!而Grace這個心願終於在婚後實現,但Timing令她冇得出去玩。原來夫婦二人準備啟程度蜜月前,Grace驗出有孕,當時她的害喜情況嚴重,不時嘔吐和疲倦,需要卧床休息冇得出去玩,她一度向老公撒嬌「發老脾」。直至最近5個月身孕,她在醫生檢驗後覺得胎兒穩定,日前便出動Shopping。

明顯見肚的Grace在媽媽陪伴下,現身九龍城海味店,見兩母女與店員拿着一塊很大的花膠研究。據店員稱這塊巨型花膠很矜貴,賣4萬多元,其膠質勁多,最啱孕婦坐月時煲湯飲用,聲稱連肚紋都冇,張母愛女心切,當然不手軟,重搥買花膠給Grace補身。之後兩母女再轉睇BB用品,見她選嬰兒衫顏色為藍色和黃色來推算,看來腹中塊肉為男胎,她再睇BB床和手推車,為迎接新生命做好全面準備。

事後Grace接受東網訪問,她坦言承認已有喜5個月:「係呀!好想同人講呢件開心事,但又驚唔穩,不過,依家都5個月,害喜情況亦冇咁嚴重,之前又嘔又腰痛,成日要瞓喺床,依家好好多啦,所以出得街!(男定女?)你估吓?我想保持神秘,醫生都叫我做多啲運動,健康最重要!媽咪緊張我,所以嗰日帶我買花膠補身。(你準備順產?)係呀!醫生話我高大,盆骨夠大,應該夠生,老公都係咁諗,唔想我開刀,無啦啦多個傷口!(老公錫晒你?)佢係好錫我,我係坐唔定嘅人,之前諗住Honeymoon去歐洲玩,點知起程前有咗,但日日瞓喺屋企好悶,早排老公出去應酬,我只係等佢返嚟,情緒好忟憎,有發佢脾氣,但老公明白大肚婆情緒問題,所以好體諒,遲啲佢會陪我去旅行,冇得Honeymoon咪Babymoon囉,揀個近啲地方,醫生都話得!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!