掃呢頁CODE去手機

2018年10月6日 星期六

【率先睇】53歲韋家雄接新娘 愛的宣言得三個字﹕I Love Her __,韋家雄,

(攝影﹕黃曉程、朱志聰)
53歲韋家雄今日小登科,迎娶比佢年輕近20嘅女友鄧楚雅(Keynes),恭喜恭喜!韋家雄今早率領一班兄弟團到酒店準備接新娘,兄弟團成員都係同家雄一樣係 ...


53歲韋家雄今日小登科,迎娶比佢年輕近20嘅女友鄧楚雅(Keynes),恭喜恭喜!

韋家雄今早率領一班兄弟團到酒店準備接新娘,兄弟團成員都係同家雄一樣係「綠葉」出身,包括有楊明、戴耀明、李啓傑、葉暐、易智遠等。



早上十時,韋家雄一身紅金中式禮服喺酒店大堂現身,樣子好醒神,但佢就自爆噚晚緊張到瞓唔著,佢話﹕「心情好緊張呀,噚晚已經成晚瞓唔著,但ok嘅,好彩安排好晒,好多好朋友幫手。」家雄話今日嘅兄弟團係貴精不貴多,問到準備好開門利是未?佢話﹕「準備好喇,但盡量講數啦,一陣上啲高難度動作就交畀大家,但我都知自己都要做啲嘅。」咁愛的宣言冇得假手於人,咁準備好講詞未?家雄一副冧樣話﹕「只係三個字啫『I Love Her』。」



韋家雄曾經歷過一段失敗婚姻,育有一子,一度令佢對愛情失去信心。不過,今年初韋家雄再度遇上心中所愛,與「銀行之花」Keynes可謂一拍即合,拍拖幾個月已訂婚盟。





精選娛聞,喺晒《娛果》 http://fb.com/appledailyent



(攝影﹕黃曉程、朱志聰) 韋家雄話已經準備好開門利是,會盡力「講價」。 韋家雄話已經準備好開門利是,會盡力「講價」。
韋家雄率一眾好兄弟去接新娘。

韋家雄率一眾好兄弟去接新娘。
個樣好醒神,但韋家雄就自爆噚晚緊張到失眠。

個樣好醒神,但韋家雄就自爆噚晚緊張到失眠。
提起老婆即一副冧樣

提起老婆即一副冧樣
韋家雄話愛的宣言得三個字「I Love   Her」。

韋家雄話愛的宣言得三個字「I Love Her」。

鍾意就快D Share啦!