現年63歲嘅孫泳恩，73年當選無綫首屆香港小姐冠軍。簽約無綫後曾參與電視演出。多年前網上曾流出一條片，為孫詠恩無綫試鏡片段，片中孫泳恩正訪問何守信，當時她非常緊張，基本對話也口窒窒，又忽然靜悄悄問何守信認為《歡樂今宵》是否需要改革，當堂令何守信語塞。後來孫泳恩因合約問題，與無綫鬧得不愉快，其後往美國麻省攻讀工商管理。
75年孫泳恩放棄學業，返港與當時無綫編導陳家蓀結婚，並重返無綫工作，參演《狂潮》及《江山美人》等劇集，77年離婚。
孫泳恩的大半生，充滿傳奇色彩，起起跌跌，柳暗花明。86年，孫泳恩成立公關公司，87與地產界才俊周家雄結婚，翌年誕下兒子耀洋，但婚姻維持至92年告終。
94年，孫泳恩再婚，對象是法籍練馬師賓康，97年4月，已屆42歲嘅孫泳恩誕下女兒盈盈，且患上產後抑鬱症，更萌輕生之念，結果賓康要將屋企嘅窗全部鎖住，每日一有時間就返屋企陪佢，為太太紓緩情緒。
丈夫是練馬師，孫泳恩嫁夫隨夫。例如賓康每日清晨四點半就要起身睇晨操，孫泳恩話：「咁點都好過啲老公成清晨四點半先返屋企吖！」99年，賓康被發現旗下馬匹出賽前曾服食違禁藥物，被馬會吊銷練馬師牌照。同年11月，賓康決往美國發展，孫泳恩決共同進退，歎謂：「做女人就係咁辛苦！」
孫泳恩曾說，丈夫這次被停牌，是其人生中最大打擊：「你諗吓，我依家事業家庭樣樣都咁好，突然發生件咁嘅事，真係好傷！」當時更一度放下在港的公關事業，嫁夫隨夫。後來孫泳恩決定繼續經營其公關公司，經常港、美兩邊飛。她曾說：「佢（賓康）成日叫我放棄香港嘅事業、全家移民過去，我諗long term我哋都會咁做，但一下子真係唔捨得班咁錫我嘅clients。」
02年，孫泳恩與賓康傳婚變，消息稱兩人已分居，夫婦分處東西岸，孫泳恩更被傳與英籍練馬師岳敦交情不淺。報道一出，岳敦予以否認，又稱與孫的關係只屬朋友，孫泳恩則激動地謂：「我哋兩家人都有成年冇見啦，冇錯，我哋以前曾經係好熟。唉！你話我第時見到岳敦個老婆幾尷尬呢？」孫稱與賓康感情好好；至於分隔美國東西兩岸，她說：「分隔兩地唔一定有問題㗎，以前一個喺香港，一個喺美國都冇事啦。」
另加小插曲一段。翁靜晶一次接受《蘋果》專訪，憶述14歲那年，被陳欣健邀為《喝采》試鏡，由當時擔任製片的孫泳恩幫她化妝，演發羊吊，她堅持要真人示範，最後被男主角陳百強的經理人選中。
| | | |
| | | |
| | | |
| | | |
| | | |
|
鍾意就快D Share啦！
|
|
|
