現年38歲嘅何嘉莉，與甜品店太子爺黃逸璋（King）前夫育有一子，2015年閃嫁飛機師Gerald Sze，去年9月再誕下一女。最近何嘉莉喺IG再宣佈有喜，懷孕四個月。
今晚何嘉莉現身中環一酒店出席化妝品牌活動，身穿白色裙，足踏矮踭鞋現身，尚未見肚。接受傳媒訪問時，佢好開心咁接受傳媒道賀，問到今次陀B可是計劃之內？佢話：「絕對唔係，一個意外，唔係預期中嘅事，本身諗住一仔一女，兩個都幾好，加上同阿女時間好近，佢九月先啱啱一歲，諗住放多啲時間喺阿女度，點知有咁surprise事發生。」
何嘉莉續道：「上半年有啲婦女病，纏繞咗好耐，機能亂晒，所以真係冇諗過（懷孕）。」她稱之前陀女時，努力了兩年，用盡不同方法始得女，本來都諗住好難再懷孕：「依家三年抱兩件嘅事發生喺自己身上，同老公諗咗好耐，要唔要，點處理，但係諗下貓貓狗狗都唔會唔要何況自己骨肉，更加冇可能殺死佢。」
雖然何嘉莉同老公都決定要個BB，但家人起初不大贊成：「因為怕我太攰，啱啱有兩個小朋友，身體啱啱先復完，又有另一個，加上怕財政上負擔，但點都好，最後都係接受嘅，覺得船到橋頭自然直，依家懷孕4個月。」
知道BB係仔定女未？何嘉莉表示有照過，但係BB遮下遮下，所以未確定性別：「希望呢一胎係女啦，雖然以前我係鍾意仔，但係依家有咗嗰女，覺得個女又嗲又安定啲，加上老公鍾意女，嗰女『冧』到嗰老竇。」
咁哥哥知道自己即將多一個弟弟或者妹妹，又點反應呢？「其實哥哥（大仔）已知道媽咪又有咗，佢冇乜反應，但佢想要細佬，不過唔係你想要就要，想要細佬就有細佬，同埋就算呢一胎同大仔咁啱玩，有年齡距離。」
| （左）攝影：林賓尼、ig圖片 | | |
| |
|
鍾意就快D Share啦！
|
|
|