網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月30日 星期二

【推廣BigBigShop可以幾盡?】《食好D》《流行都市》同一日hard sell同一產品 __,《流行都市》,

大台為咗推廣BigBigShop可以去到幾盡?咪就係一件產品,喺同一日,用兩個唔同嘅節目去hardsell囉。《食平D》能夠連開7輯,證明呢個系列真係 ...




大台為咗推廣Big Big Shop可以去到幾盡?咪就係一件產品,喺同一日,用兩個唔同嘅節目去hard sell囉。

《食平D》能夠連開7輯,證明呢個系列真係唔錯嘅,但嚟到《肥媽優質食好D》就堅令觀眾有啲反感喇,事關個節目明顯係為Big Big Shop嘅食材產品而服務。一開場六號已經老王賣瓜,話咩「見到優質凍肉好friend好close,去街市見到嗰啲凍肉就無咁嘅感覺」,又大讚啲肉「有名有姓,有出生地,仲有出世紙,包你買完返嚟食呢,你會食得好安心」,真係難為佢講得出。

之後就輪到肥媽背稿喇,話啲牛肉嚟自英國皇室指定供應商吧啦吧啦,聽到就算唔反胃都毛管戙。其實唔使講咁多啦,畫面上「big big channel特約」字眼一出,大家都明架啦,更何況myTV SUPER嘅節目介紹都已經畫到出晒腸:「肥媽經手機訂購優質牛肉 免除到街市買餸的麻煩。」又係喎,一上Big Big Shop就可以選購肥媽節目上用過嘅食材,就連之後幾集佢會煮啲咩,都可以喺Big Big Shop先睹為快添。

如果你覺得大台只靠《優質食好D》一個節目去hard sell,就證明少年你太年輕了,因為原來昨日除咗《優質食好D》,中午時段嘅《流行都市》一樣有hard sell同一款斧頭扒,仲搵嚟凍肉店負責人強調「草飼方式飼養,有草地方就可養牛,環保得嚟又可達到持續性目標,肉味更比谷飼牛強」。之後更有主持問:「點解皇室御用嘅牛大家有機會食到?」於是凍肉店負責人又一輪嘴解釋,其實直接講因為Big Big Shop有賣咪得囉。

喺同一日嘅兩個節目介紹同一款凍肉,有太陽時hard sell一次,太陽落山後再hard sell多次,大台你係得嘅!

鍾意就快D Share啦!