掃呢頁CODE去手機

2018年10月8日 星期一

【《還珠格格》全員罪人】周杰鬧爆網民落井下石 幸災樂禍 __,還珠,還珠格格,

范冰冰逃稅一案搞到滿城風雨,大陸網民紛紛關注,食晒花生。仲有大陸網民整咗呢張還珠格格全員惡人圖,嘲諷劇中嘅主角幾乎每個都犯過罪。由最左數起,第一個係范 ...




范冰冰逃稅一案搞到滿城風雨,大陸網民紛紛關注,食晒花生。仲有大陸網民整咗呢張還珠格格全員惡人圖,嘲諷劇中嘅主角幾乎每個都犯過罪。由最左數起,第一個係范冰冰,佢今次嘅逃稅風波,相信都無人唔知啦?有傳佢而家要交返近乎10億人仔,為左籌錢變賣房產,未婚夫李晨都有幫忙,不離不棄。第二就係「爾康」周杰,佢喺2009年駕駛無牌私家車撞車,導致的士司機同3個乘客受傷。而做乾隆嘅張鐵林就有被爆出有私生子女嘅新聞,更被前女友控告佢綁架,指佢曾經指使他人強行綁架佢同個仔去荒郊地,再將女方推落車,強行帶走個仔。至於「紫薇」林心如就因為喺2004年上康熙來了自爆被周杰舌吻引起周杰不滿,事隔13年,上年周杰喺微博指佢無做過,又話佢地特登節目抵毀大陸人。最後係做小燕子嘅趙薇,上年佢同老公嘅公司龍薇傳媒被指以空殼公司收購上市公司,被罰實施5年禁入證券市場。一張相六個人,似乎五個人都出過事,不過張圖仲有最右邊嘅蘇有朋仲未出事。而網民都話林心如嘅舌吻事件其實好無辜,好少事。全員罪人圖一出,周杰立刻喺微博鬧爆網民幸災樂禍,又話網民今日嘅笑話可能就係未未嘅自己。佢嘅言論被大陸網民話佢係縱容犯罪,但周杰就Keep住回應網民,企硬自己覺得唔應該落井下石嘅立場。

鍾意就快D Share啦!