掃呢頁CODE去手機

2018年10月3日 星期三

補辦結婚手績 嘉穎陳凱琳報住址有古怪 __,凱琳,嘉穎,陳凱琳,鄭嘉穎,

嘉穎同陳凱琳8月喺峇里完婚,上個禮拜先喺香港入紙申請結婚。資料圖片
嘉穎同陳凱琳8月喺峇里完婚,上個禮拜先喺香港入紙申請結婚。資料圖片現年48歲嘅鄭嘉穎8月同拍拖三年嘅27歲港姐陳凱琳喺峇里結婚,咁好多新婚夫婦喺外地註 ...


現年48歲嘅鄭嘉穎8月同拍拖三年嘅27歲港姐陳凱琳喺峇里結婚,咁好多新婚夫婦喺外地註冊結婚之後,返到香港都會補辦手續,噚日《蘋果》就發現鄭生鄭太已經遞交咗「擬結婚通知書」,之不過佢哋報住嘅地址就唔一樣,嘉穎就報大角咀,而Grace就報住婚前同爸爸媽媽一齊住嘅九龍塘大宅,照計佢哋婚後已經一齊住,咁填兩個唔同地址,應該係唔想新居曝光。



陳展鵬同單文柔下個禮拜六會擺酒。資料圖片

陳展鵬同單文柔下個禮拜六會擺酒。資料圖片

行事低調

其實鄭嘉穎一向低調,當日佢選擇峇里舉行婚禮都係貪當地私隱度高。而婚禮宴請嘅賓客亦係同嘉穎好相熟嘅圈中好友。佢哋事前個個都守口如瓶,唔敢透露半句婚期、地點同細節,可見鄭嘉穎保密功夫真係做足。

而最近另一對娛樂圈新人陳展鵬同單文柔,亦因為之前遞交「擬結婚通知書」,令佢哋同居關係曝光。佢哋宣佈下個禮拜六先擺酒,不過之前佢哋交「擬結婚通知書」時就報咗同一個地址。不過,問番展鵬同女友係咪同居試婚時,佢就避重就輕話︰「𠵱家乜嘢年代呀?呢個係幾好嘅題材,將來可以攞嚟拍,我哋𠵱家好舒服、好自然,大家唔好聯想太多嘢……我冇留意呢單新聞喎,不過只係一個地址,用嚟登記啫。」

撰文:馮仁昭




鍾意就快D Share啦!