網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月29日 星期一

【窮到女友都要走】「雄姐」張彥博茶記開飯 伙計雪中送炭加餸加湯撐佢 | 2018-10-29 | 壹週刊 娛樂,張彥博,壹週刊

【窮到女友都要走】「雄姐」張彥博茶記開飯伙計雪中送炭加餸加湯撐佢(足本版)網址:https://bit.ly/2ShRXiq講消防救護員嘅《跳躍生命線 ...


【窮到女友都要走】「雄姐」張彥博茶記開飯 伙計雪中送炭加餸加湯撐佢(足本版)網址: https://bit.ly/2ShRXiq

講消防救護員嘅《跳躍生命線》,承接《延禧》個勢,好得民心劇中演乸型得嚟,做事細心嘅「雄姐」張彥博,更加係率先跑出。依家連食餐飯都有人主動加餸俾佢,又有女衝入餐廳搵佢影相,對比之前窮到要食足一個月杯麵,攪到營養不良入醫院嘅日子,依家真係守得雲開嘞!

生得一副童顏嘅張彥博,其實已經38歲,喺呢行有過十年辛酸,日使10蚊,一日三餐杯麵,食足一個月。窮到就連拍拖四年嘅女朋友,都要離開佢,不過佢無埋怨,仲會咁睇:「我成世未試過有錢,唔知出糧花大錢嘅滋味係點,自己咩都冇,銀包又冇錢,你叫人哋點跟你,人終於要面對現實,成熟處理。」

張彥博跟「雄姐」最大分別,係現實中嘅佢好硬淨,人窮志不窮。12同13年佢當自己係新人,返內地參加音樂節目,14年入大台,又由家丁角色做起,有段時間,窮到要同兄弟Steven夾份租旺角舊樓住,過住夾錢開飯嘅同煲日子。今年年初,佢亦同Steven拍住返內地busking,繼續搵機會搵出路,對於昔日窮困歲月,張彥博咁樣解讀:「所謂辛苦與否在乎你點睇,自己由開始時一日可以花十蚊,到依家可以一日花二百蚊,其實都係咁樣過。」

咬緊牙關多年,近年機會嚟勒!廣告都拍咗幾個,終於跳離貧窮線,但佢生活依然慳家。有日見佢喺尖沙咀行完街,買健身奶粉,之後搭港鐵返屋企!乘客九乘九都係低頭族,所以未有發現雄姐同佢哋迫埋一卡。跟住喺屋企附近嘅茶記開飯,原本佢只叫一個飯,點知茶記職員見雄姐駕到主動送湯送包,之後醒多碟餸俾佢,雄姐依家受歡迎程度,唔只有餸加,飯後甜品仲係有女埋身。有位粉絲發現雄姐開飯,即刻衝入嚟搵佢影相。所以話,希望在明天,無咩難關捱唔過嘅!

立即下載Apps,隨時隨地睇盡時政專題、深度偵查、娛樂熱話!按此連結: http://bit.ly/next28app




來源 source: http://s.nextmedia.com
鍾意就快D Share啦!