掃呢頁CODE去手機

2018年10月4日 星期四

歐聯:拿傑迪錫世界波!美斯兩粒巴塞打殘熱刺 __,美斯,

(GettyImages)熱刺雖然有主場之利,但面對發揮完美嘅巴塞只能擺低3分。歐聯地上最強作客溫布萊球場,開波2分鐘菲臘比古天奴就打開紀錄,之後拿傑 ...


(Getty Images)


熱刺雖然有主場之利,但面對發揮完美嘅巴塞只能擺低3分。歐聯地上最強作客溫布萊球場,開波2分鐘菲臘比古天奴就打開紀錄,之後拿傑迪錫抽入世界波拉開比數。雖然哈利卡尼換邊後回敬一粒,但美斯轉個頭又將比數拉開,最後呢名球王再入一球,個人梅開二度帶領巴塞完勝對手,期間仲做出最Cute慶祝動作,堅乜彩都攞晒。

熱刺於首輪歐聯賽事反敗國際米蘭,今次返到主場對巴塞,估唔到隊長洛里斯一開波就犯錯,出迎未能截得美斯皮球,畀後者回送中路,古天奴大腳抽入,火速取得領先優勢。之後巴塞就完全贏質素,拿傑迪錫凌空抽靚波中柱彈入,半場已領先兩球。

熱刺換邊後積極反撲,哈利卡尼殺入禁區擺過對手起右腳轟遠柱入網,為熱刺帶來一絲生機,但4分鐘後美斯就近門送入死角,佢開心到走到攝影機影兩手先後拍頭,再效個香吻畀全球球迷。熱刺又試落後兩球並冇放棄,拉美拿再扳回一城。但美斯完全係第二個級數,完場前美斯完晒近門再入一粒,為巴塞鎖定勝局。巴塞近三仗不勝狀態其實麻麻,但今次贏得好漂亮,連首輪歐聯大數燕豪芬後積二連勝,相反熱刺連輸兩場,形勢非常不妙。另一仗國際米蘭作客贏燕豪芬2:1,同巴塞一樣有6分,熱刺要後上取得出線席位非常困難。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!