（新增內容及影片）
黃翊噚晚喺九展演出「最愛的你 演唱會」，全場爆滿，老友黃寶欣亦上台合唱一曲《酒杯敲鋼琴》，期間黃寶欣更大爆：「其實大家唔知，黃太（陳存正）近日身體唔好，其實兩個星期前佢喺深切治療部昏迷咗九日，我哋好擔心，但黃翊一直撐住，但好彩嘅係，黃太喺幾日前已經醒番，仲得到好好嘅治療！」
旁邊嘅黃翊就話：「我特登唔爆我老婆，點知你爆咗，依家輕鬆咗好多。佢依家越嚟越好，令我可以專注唱歌。」
黃太患有腎病，一直在港輪候換腎，但黃翊也謂等到機會不大，故計劃去大陸接受手術，但要等太太情況穩定才算。開騷前黃翊更謂最大心願是太太同12歲囝囝可以嚟睇騷，豈料突然出事：「太太係10月9日朝早突然喺屋企昏迷，真係好驚，狀況好難搞，即刻送院檢查，好彩身體入面冇出血，但一直昏迷。到第二日係有擘大眼，但其實係完全感受唔到周圍，係冇反應，見到呢個情況更擔心。」
黃翊稱太太入院後，曾有朋友問會唔會取消演出，但他說：「演唱會已經準備得如火如荼，唔係話唔會為太太而取消，但我又唔想捨棄3,000個歌迷，所以繼續演唱會，同時儘量抽多啲時間陪太太。好彩早幾日佢終於醒番！開頭佢都係講唔到嘢，同埋瘦咗好多，但經過幾日治療，身體同精神都越嚟越好！」全場觀眾大力拍掌，以示支持。
完騷後，黃翊接受傳媒訪問，他稱：「太太喺10月9號當日喺屋企昏迷，真係好大件事，我見佢嘔到成床都係血，真係嚇死人，唯有即刻叫救護車送佢入醫院。」
太太入院後，即被送往深切治療部，黃翊憶述：「醫院幫佢照勻全身，怕佢內出血，結果原來係佢昏迷時抽筋，咬損咗條脷，所以流咗咁多血，亦好好彩開Show前幾日佢醒番，令我好放心咁演出。」
黃翊稱太太現在情況日漸好轉：「當然起初醒番嗰陣，佢好冇精神，又冇力又好瘦，但經過呢幾日已經康復得好好，仲可以同我講電話，所以放心好多。」最後黃翊話因為呢段時間實在太操勞，一邊要為演出排練，又要抽時間探望太太：「所以今日把聲都唔係最佳狀態，希望觀眾體諒。」
|
鍾意就快D Share啦！
|
|
|
