網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月22日 星期一

蔡思貝:有片!蔡思貝飲醉「發酒瘋」 兇手係… __,蔡思貝,

蔡思貝飲醉酒仲被拍下證據添!唔少人飲醉酒都會醜態百出,之前林盛斌(Bob)就喺錢國偉婚宴上搞搞震,早排就有因為《延禧攻略》紅爆嘅「傅恒」許凱醉爆街頭而 ...


蔡思貝飲醉酒仲被拍下證據添!


唔少人飲醉酒都會醜態百出,之前林盛斌(Bob)就喺錢國偉婚宴上搞搞震,早排就有因為《延禧攻略》紅爆嘅「傅恒」許凱醉爆街頭而被前度羞辱嘅短片流出,睇落似乎都係男藝人多,不過今次竟然輪到無綫小花蔡思貝!

湯洛雯(靚湯)喺Instagram上載咗短片,大爆思貝飲醉酒,面都紅晒,而明顯有醉意嘅思貝非常傻氣又鼓起泡腮扮Cute,靚湯及鄧佩儀就左右護法傍到實!之後最期待嘅時刻終於嚟喇,佢竟然話:「呢個係我Baby,我要……」就一嘢咀咗落靚湯塊面度,之後段片就完咗,唔知下文會係……?

不過佢「發酒瘋」竟然咁可愛,真係冧死仔喇!咁究竟邊個係兇手?原來就係張振朗,佢畀靚湯審問:「你做咩灌醉佢呀?」點知振朗就講咗句「低能」,再飛隻臭襪去靚湯度,嚇到伊人失色大叫!

其實思貝係因為拍劇飲醉酒,事後佢就話「嘔咗五次」!估唔到醉咗對鏡頭依然咁敏感,又識賣萌,真係專業呀!


來源 source: http://hk.on.cc
鍾意就快D Share啦!