掃呢頁CODE去手機

2018年10月8日 星期一

主動餵食靠近合照 坤哥初見長髮女好進取 __,坤哥,吳業坤,

坤哥媾女有計,日前在銅鑼灣飯局上挨近長髮女合照,獲女方整心心回應。讀者提供圖片
坤哥媾女有計,日前在銅鑼灣飯局上挨近長髮女合照,獲女方整心心回應。讀者提供圖片吳業坤於10年參加無綫音樂節目《超級巨聲2》彈出,15年在商台《叱咤樂壇 ...


吳業坤於10年參加無綫音樂節目《超級巨聲2》彈出,15年在商台《叱咤樂壇頒獎禮》摘下「叱咤樂壇生力軍金獎」,人氣急升。坤哥表面戇直,其實異性緣旺,日前更被本報讀者陳先生透過「爆相爆片」踢爆他已覓得新女,在銅鑼灣開餐時餵女方吃東西,又將頭靠向女方影合照。



坤哥被指向長髮女大獻殷勤,主動餵食又密密斟。讀者提供圖片 坤哥被指向長髮女大獻殷勤,主動餵食又密密斟。讀者提供圖片
「偽毒坤」坤哥曾戀上Aka,更力撐對方的畫展。資料圖片

「偽毒坤」坤哥曾戀上Aka,更力撐對方的畫展。資料圖片
王卓淇一雙43吋長腿被指曾迷倒坤哥,二人一度撻着。互聯網圖片

王卓淇一雙43吋長腿被指曾迷倒坤哥,二人一度撻着。互聯網圖片

Dry足兩年

現年28歲的坤哥雖然並非高富帥,但一樣多女埋身,先後暗媾過孫慧雪、Super Girls隊長趙慧珊(Aka)、龔嘉欣和王卓淇等,他被網民踢爆扮儍、扮被動,實際偽毒媾女,所以被封「偽毒坤」。自從坤哥跟舊愛Aka分手後,前年主持節目《安樂窩》時,盛傳和14年港姐亞軍王卓淇撻着,迷戀女方的43吋長腿,其後王卓淇自爆有圈外男友,斬停跟坤哥的緋聞。

Dry了兩年的坤哥,日前被讀者陳先生踢爆已覓得新女。陳先生接受電話訪問時表示日前在銅鑼灣一間餐廳,碰見坤哥帶了一名妙齡長髮女仔跟友人一齊食飯,陳先生說:「嗰晚喺餐廳,見到佢同個女仔一齊出現,約咗成班朋友食飯,坤哥坐喺女仔旁邊,兩個人好好傾,成晚都好照顧佢,仲見佢餵女仔食嘢,表現得幾親密,之後飲完嘢,佢哋就走咗喇。」



側頭挨女方

從讀者陳先生提供的相片所見,戴了帽和有框眼鏡的坤哥一本正經,身邊的女伴長髮披肩,眼大大兼樣子斯文,她穿了白色tee,打扮純情,坤哥更側頭挨近對方合照,擺明要親近佳人,女方則做出心心手勢,表現甚冧。

對於被踢爆有新歡,坤哥日前回覆傳媒時否認拍拖,他說:「嗰日同一班朋友食飯,我遲到咗,都係第一次見呢位女生,所以我唔明白點解讀者咁講,朋友唔係做呢行,唔方便回應咁多,謝謝關心。」

採訪:皓騫




鍾意就快D Share啦!