網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月15日 星期一

趣聞:港女旅歐踢史雲斯 秦正行:冇錢好困難! __,港女,

(史雲斯女子隊官方Twitter圖片)香港女子足球員秦正行,正式加盟史雲斯女子隊!史雲斯女子隊官方Twitter,公布已簽下秦正行,佢會着上32號波衫 ...


(史雲斯女子隊官方Twitter圖片)


香港女子足球員秦正行,正式加盟史雲斯女子隊!史雲斯女子隊官方Twitter,公布已簽下秦正行,佢會着上32號波衫。今年29歲嘅秦正行司職右翼,係香港女子隊嘅中堅份子,佢一直希望留洋外闖,今年就踢過澳洲次級聯賽,今次進一步參加威爾斯女子超級聯賽,成為首個旅歐香港女子球員,真係堅恭喜秦正行!

香港攻擊球員秦正行,之前效力傑志女子隊,今年三月同隊友劉蕊澄,齊齊征戰澳洲次級聯賽。雖然當地球會只會出各式津貼及支援予秦正行,但呢位熱愛足球嘅女子球員並無介意,因為佢好希望知道,自己嘅能力可以於球壇行到幾遠。秦正行嘅偶像係巴塞前鋒蘇亞雷斯,雖然佢曾經咬對手,比賽風格又狠辣,不過秦正行就鍾意佢鬥心強,場場搏盡絕不欺場,秦正行亦同偶像一樣,每次落場都貢獻所有。去年香港有張煒琪進軍澳洲W-league效力布里斯班獅吼,今次秦正行落戶女子威超,消息令人興奮。於史雲斯官方Twitter中,列明佢係香港女子聯賽冠軍成員,而且16次代表香港隊,並剛參與2018亞運賽事。

花名阿清嘅秦正行話,呢次加盟威爾斯球隊係夢想成真,但都要面對實際困難,就係錢嘅問題:「因為我之前去到澳洲踢波,令到積蓄都使咗七七八八。早前都知可以去英國球隊試腳,但因為真係冇錢,而我知道史雲斯女子隊唔使試腳就可以加盟,所以就決定加盟。呢間球會好好,話已經幫我搵到份工,而且又有地方畀我住住先。」講到目標,阿清話:「當然係希望幫到球隊攞冠軍,因為可以踢女子歐聯外圍賽。個人嚟講梗係想入波」

威爾斯女子足球聯賽於2009年成立,係當地第一個,亦都係最高級別嘅女子聯賽,共有十支球隊參加,冠軍可以參與翌屆嘅女子歐聯賽事,而史雲斯女子隊曾三奪威超錦標。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!