掃呢頁CODE去手機

2018年10月5日 星期五

劉家聰:耗盡積蓄開腦!劉家聰盼返無綫重「生」出發 __,劉家聰,無綫,

人生無常。現年40歲的前有線主播劉家聰,於今年1月做開腦手術成功切除6cm腦瘤,現康復進度理想。他以「起點」為題,再投入新生活,與家姐一齊開餐廳,更打 ...


人生無常。


現年40歲的前有線主播劉家聰,於今年1月做開腦手術成功切除6cm腦瘤,現康復進度理想。他以「起點」為題,再投入新生活,與家姐一齊開餐廳,更打算重返電視圈,他說:「當年演出唔成功係因為自己人身經歷未夠多,經過今次開腦重生,人生有另一番啟發!」

劉家聰曾經是無綫藝人,後轉投亞視,但亞視「熄機」後再轉去有線當主播,每日都多姿多采,但有日他突然覺得自己的手、腳出現問題,手拿不到物品,腳失去平衡,愛運動的他起初以為筋骨問題,經檢查後才知有6cm腦瘤壓着神經,十日內要動開腦手術,當時他來不及反應,並滿有自信稱:「男人嘛!冇事嘅!」正因有這強烈的正面思想,老婆和女兒都大力支持,共度生死關頭。他進入手術室前,先影全家福,這個舉動更令他有強烈信念,一定要好番:「當時我同醫生講,我仲有教育項目未完成,一定要畀我醒番,我要見我班學生!」

擱置換車續命

自言是有計劃的男人,儲蓄為結婚,買樓後成家,投資為女兒成長的開支,但最重要的健康保險,卻從來沒有投保,今次開腦手術耗盡他70幾萬元積蓄,病前原打算換車,最後卻以換車錢來救命,家聰說:「冇所謂車幾時都買得,我都係為屋企而換!」老土講句,留得青山在,那怕冇柴燒,他認為死過翻生,錢可以再搵:「我好好彩,一路都有投資、有儲蓄,出院找數70幾萬,都有錢畀!」

學拉花開餐廳

重生後,家聰大有搞作,與家姐投資飲食業,自己又學咖啡拉花,訪問當日更到其正裝修的餐廳,並找來著名畫家在牆上畫一幅意境很悠閒的風景畫,並以「起點」命名,他稱看着這畫內心很舒暢:「我要重新出發,除投資做生意,我好想返無綫做演員,96年曾入過無綫訓練班,我要演活人生,以前拍嘢喊唔出,依家可以眼淚在心裏流!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!