掃呢頁CODE去手機

2018年10月29日 星期一

盧冠廷:盧冠廷感恩《陪着你走》喚醒昏迷賢妻 __,盧冠廷,

一首《陪着你走》,無論對盧冠廷或好多人嚟講,係一首好有意義嘅歌。歌手盧冠廷(Lolo)與太太唐書琛現身第十八屆CASH金帆音樂獎頒獎典禮前奏,大會宣布 ...


一首《陪着你走》,無論對盧冠廷或好多人嚟講,係一首好有意義嘅歌。


歌手盧冠廷(Lolo)與太太唐書琛現身第十八屆CASH金帆音樂獎頒獎典禮前奏,大會宣布「音樂成就大獎」得主為Lolo,而他作曲及主唱、太太填詞的《陪着你走》則得到「最廣泛演出金帆獎-粵語流行作品」。他在台上說:「好多謝CASH,令我幾十年錢銀方面唔使憂,唔使搵咩工作,每年都派錢畀我,養活我同太太!」

他又分享關於《陪着你走》的感人故事:「之前遇到個4、50歲嘅男士,拖住10歲嘅女,個男士眼有淚光咁走埋嚟,原來佢太太昏迷咗、喺醫院,佢每晚同個女去醫院唱《陪着你走》畀太太聽,唱唱吓太太醒番,所以佢走嚟多謝我。呢首歌唔只好聽,仲有佢嘅用處!」

受訪時,問到可覺得現在得獎有點遲?他認為時間剛剛好:「努力咁多年,估唔到佢發生咗,冇諗過攞呢個獎,好開心。」他笑言夠歲數和年齡就得獎,至於當日唱甚麼歌及邀請了哪些歌手就要保密,只能說一定有經典歌。慶祝方面,他表示會與太太吃飯,又笑稱:「日日都慶祝,冇乜特別,陪住大家走咁多年,都係繼續走落去。」提到不少後輩翻唱他的《陪着你走》,他表示聽聞過,但沒看電視就不知誰唱和唱成如何:「不停有人翻唱係我嘅榮幸,都高興嘅,同埋代表我要唱好啲!」


來源 source: http://hk.on.cc
鍾意就快D Share啦!