掃呢頁CODE去手機

2018年10月1日 星期一

張慧儀養子開刀續命「媽媽,唔使擔心」 __,張慧儀,

張慧儀被囝囝的堅強表現感動,大為安慰。
張慧儀養子開刀續命「媽媽,唔使擔心」女星張慧儀的15歲養子張晃維(Hanson),即將面臨大考驗,患有先天性心臟病的他為延續生命,日內將接受一項甚高風 ...


張慧儀養子開刀續命「媽媽,唔使擔心」

女星張慧儀的15歲養子張晃維(Hanson),即將面臨大考驗,患有先天性心臟病的他為延續生命,日內將接受一項甚高風險的心臟大手術,身為媽媽的慧儀心緒不寧,連出門都忘記帶鎖匙,反過來要孩子安慰,對前路充滿希望的Hanson對媽媽說:「呢個世界咁美好,我要快啲好番,媽媽,你唔使擔心!」

現年47歲的張慧儀於2006年在北京的「平安之家」福利院,遇上患有先天性心臟病而被棄養的小男孩,對方一聲「媽」便將她融化,當時雖知他只可多活數年,但二人緣分極深,慧儀咬緊牙關,誓要窮一生精力,將這名患病養子帶大。如今Hanson奇迹活到15歲,功不可沒的她並未放下擔憂,因為深明兒子時刻要為生存搏鬥,其心臟缺氧問題日益嚴重,行路愈來愈氣喘,故必須進行名為「Fontan」之手術,慧儀受訪時承認已到警戒線:「囝囝心肺功能唔好,血含氧量低,口唇紫黑,唔好話跑步,連斜路都行唔到,醫生話佢必須做呢個手術,遲啲想做都做唔到!」

囝囝樂天積極迎戰

面臨挑戰,做母親的當然心痛,但只能以積極和樂天的態度去迎戰。工作不斷的她為珍惜親子相處時光,日前放下所有工作,帶囝囝去拍全家福,其後更展開吃喝玩樂的一天。原來Hanson最愛就是日本「幪面超人電王」動畫及相關產品,慧儀當天與Hanson在酒店High Tea後,便到玩具店買其最愛的「電王」卡,雖然有好多張卡已重複,但為集齊全套,Hanson向媽媽撒嬌,成功購得心頭好,其後兩母子再殺落文具店打遊戲機,玩足大半天,兒子滿足,媽媽安慰。

Hanson非常懂事,錫番媽媽。
  • Hanson非常懂事,錫番媽媽。
張慧儀與囝囝擊掌打氣。

  • 張慧儀與囝囝擊掌打氣。
為滿足囝囝心願,張慧儀帶他買遊戲卡及打機。

  • 為滿足囝囝心願,張慧儀帶他買遊戲卡及打機。

嘴唇發紫頻氣喘

愛玩樂的Hanson相當懂事,知道媽媽擔心自己的病,主動向她擊掌,自信心超強,教媽媽感動得淚盈於睫。慧儀受訪透露Hanson手術後,仍要臥床一段長時間,所以趁入院前,帶兒子去開心吓:「我有解釋畀佢聽個手術係點做,遇到嘅問題,我都好心痛,但佢嘅反應係好Easy,好樂天,笑住同我講叫我唔好擔心,只係要求我每日喺醫院陪佢!(手術風險?)係會有,呢個仔心肺功能唔好,又單心室,手術都好複雜,但希望提升血含氧量,口唇唔再發紫、行動自如啲,唔好成日氣喘,生活質素可以改善!(運動唔可以太劇烈?)係,好彩我個仔嘅嗜好較靜態,砌吓Puzzle咁,佢依家冇返學,校長、同學都好關心佢,成日有寄卡問候!」

  • 放大圖片
張慧儀身體力行支持慈善機構,幫助其他病童面對病患。

  • 張慧儀身體力行支持慈善機構,幫助其他病童面對病患。

由於囝囝的健康問題,令慧儀於2013年開始接觸兒童心臟慈善機構,最近更當上相關機構的執行委員,幫手籌款:「呢個機構主要幫一啲心臟有問題嘅兒童過渡一啲復康、醫療,甚至心靈上問題,好幫到我,加上佢哋已經做咗20幾年,不斷服務好多基層家庭,好有意義,我冇錢,但都想出力!」






鍾意就快D Share啦!