掃呢頁CODE去手機

2018年10月23日 星期二

「嫻妃」阿佘華鼎爭女配 《再創世紀》收視差獲兩提名 __,佘詩曼,阿佘,《再創世紀》,

阿佘(右)憑《延禧攻略》嫻妃一角殺入華鼎獎爭最佳女配角。劇照
阿佘(右)憑《延禧攻略》嫻妃一角殺入華鼎獎爭最佳女配角。劇照內地第24屆華鼎獎下個月9號喺香港亞洲博覽館舉行,噚日大會就公佈入圍名單(見附表),佘詩曼 ...


內地第24屆華鼎獎下個月9號喺香港亞洲博覽館舉行,噚日大會就公佈入圍名單(見附表),佘詩曼憑大熱劇集《延禧攻略》嘅「嫻妃」一角,入圍角逐電視劇最佳女配角,劇中同阿佘有唔少對手戲嘅「魏瓔珞」吳謹言,就獲提名古裝題材電視劇最佳女演員。

無綫大製作劇集《再創世紀》,雖然喺內地嘅口碑同收視都一般,首播收睇人數只有0.379%,但主演嘅郭晉安同周勵淇分別獲提名當代題材電視劇最佳男、女演員,而郭晉安將會同另一位港星陳偉霆爭獎。周勵淇有份入圍,好開心話:「多謝晒大家,我會繼續努力。」至於無綫另一小生陳豪就憑《使徒行者2》提名電視劇最佳男配角。



吳謹言今年因《延禧攻略》名利雙收,更有份爭視后。劇照

吳謹言今年因《延禧攻略》名利雙收,更有份爭視后。劇照
陳家樂對入圍最佳新銳演員獎,坦白話好驚喜。劇照

陳家樂對入圍最佳新銳演員獎,坦白話好驚喜。劇照
郭晉安同周勵淇分別獲提名當代題材電視劇最佳男、女演員。資料圖片

郭晉安同周勵淇分別獲提名當代題材電視劇最佳男、女演員。資料圖片

想多啲人識

驚喜方面,有陳家樂憑《東方華爾街》入圍最佳新銳演員,今年初佢憑無綫劇集《逆緣》多咗人識,𠵱家再有機會開拓內地市場。陳家樂對於入圍新銳演員,佢坦白話好驚喜:「好開心有份提名,因為呢次提名,好似畀咗我喺過去呢一年工作上面嘅一個肯定,好多謝華鼎獎嘅評委選我入去。」佢仲話攞唔攞到獎就隨緣,最緊要係多啲人識自己。華鼎獎各獎項候選名單全部由網友投票,加埋華鼎獎演藝名人評選委員會評選結果同在線投票、簡訊投票而得出獲獎名單。

撰文:馮仁昭




鍾意就快D Share啦!