網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月30日 星期二

【金庸逝世】同代名作家相繼離開 倪匡:得番我一個喇 __,金庸,倪匡,

倪匡不禁多番問記者:「係咪真㗎?快啲去證實消息係咪真嘅。」
【新增影片】名作家金庸今日逝世,作家倪匡與金庸相知相交近60載,早於記者來電前已獲悉噩耗,但仍不禁多番問記者:「係咪真㗎?快啲去證實消息係咪真嘅,唔好 ...


【新增影片】

名作家金庸今日逝世,作家倪匡與金庸相知相交近60載,早於記者來電前已獲悉噩耗,但仍不禁多番問記者:「係咪真㗎?快啲去證實消息係咪真嘅,唔好聽邊個講邊個講,講(傳)咗好多次㗎嘛。」



不過,他亦坦然面對:「不過係事實都唔出奇,都90幾歲㗎喇,人生能夠90幾歲已經好難得。」而且,他認為金庸「人生豐盛到極點」是中國歷史上「五千年第一人」,「有咁(成就)嘅人屈指可數」,尤其是文學成就更加是第一,「佢小說好睇程度係上下五千年第一,古今中外,無以復加」。



「好耐冇見喇,對上一次見已經大約半年」倪匡憶述於1961年認識金庸,兩人更惺惺相惜,「佢都好鍾意我嘅小說㗎,唔係佢《明報》副刊唔會搵我寫小說啦。我哋好好朋友嚟,難忘事情太多喇」。



倪匡說金庸較他早來港,而繼作家劉以鬯早前逝世,倪匡不諱言與與他這一代當年由上海來的著名作家,「如果我都算有份量,得返我一個喇,哈哈哈」。電話傳來倪匡的「滄海一聲笑」,「我已經八十幾歲,仲有幾多年,我自己都冇計喇,我唔理㗎喇,自己鍾意點就點,我鍾意食咸魚,我理得佢咸魚有冇益吖」。



他最後說「90幾歲人過世,冇乜可以傷心嘅地方,因為係必然㗎,好似古龍咁英年早逝就痛苦啫」。




鍾意就快D Share啦!