韋家雄昨日結婚設宴，不少圈中人都有出席，包括黃秋生、郭晉安、張繼聰、田蕊妮、陳煒、莊思明與楊明等。秋生自嘲退休人士，才有空出席飲宴：「戥佢開心，知佢經歷過一段困難日子，佢老婆咁高，睇佢樣知係賢妻良母，佢識咗老婆開心咗，運氣好咗，個人有光彩。以前睇佢拍戲好慘，成日被人恰，我邊敢恰佢，佢大佬係邊個。」
康華透露曾與家雄在劇中做情侶，記者笑言新娘不是她，她表示：「我好戥佢開心，個個同事喺公司見到佢都話唔同晒，甜絲絲，世界好美滿。」田蕊妮就笑家雄娶嫩妻：「佢次次提起就嚟結婚就會有啲靦腆、心如鹿撞，有初戀感覺。」至於會否教兩人夫妻之道，她說：「個個都有自己一套相處之道，佢係一個飽歷風霜嘅人，認識佢嘅人都知佢好幽默，佢係一個好錫老婆嘅人。」
昨日做兄弟的楊明自嘲近日經常做戥穿石，已經變「老屎忽」，他接完新娘後說：「頭先喺樓上都係應吓景、食吓wasabi，同班兄弟手執花球跳大媽舞，主要都係𠱁吓老人家開心，老人家仲要求我哋跳足兩分鐘。」
|
鍾意就快D Share啦！
|
|
|