無綫節目《#後生仔傾吓偈》好受一班年輕人追捧，主持人馮盈盈、麥明詩加陸浩明傾偈夠放又夠真。陸浩明又讀出匿名信，睇吓大家對節目嘅展望，當中話搵另一半或閨蜜上節目嘅話題，盈盈同麥明詩都即時拍手叫好，麥明詩話：「咁要叫盈盈嘅寶寶上嚟。」盈盈話：「可唔可以揀周末或夜啲嘅錄影，咁男友有時間就應該冇問題。」陸浩明又搞爛Gag叫佢醫生男友改喺半夜做手術，當知道男友係內科時，又話內科醫生得閒啲。
麥明詩隨即又話佢可以叫哥哥上節目，陸浩明就話要嚟個閨蜜情侶大比併，三個人愈話愈興奮，麥明詩仲話到時可以玩曾做過最嘔心嘅嘢，到時再做番，盈盈即自High話：「跪低，扮狗叫。」陸浩明指住佢話：「你呢啲係變態。」盈盈繼續話，搞到陸浩明覺得佢超級變態。陸浩明提議交換配對，將盈盈男友配麥明詩，而麥明詩哥哥對盈盈，麥明詩舉晒手贊成，但盈盈就黑晒面，收晒聲，之後仲要撕咗呢個題目嘅建議紙，完全睇到佢幾咁愛男友。
節目唔經唔覺已播咗200集， 陸浩明仲記得馮盈盈喺100集嗰陣，應承話到咗200集會表演跳舞，今次就要盈盈找數！估唔到盈盈唔單止吹得吓水，跳起舞上嚟都好有姿勢有實際。當陸浩明要盈盈找數時，麥明詩都推咗一把話：「你係忠實成員之一，要做找數真漢子。」盈盈就即刻起身，拉埋後生仔2.0嘅蔥蔥同Tiffany落水一齊跳，兩位女仔勁尷尬跳抖肩舞，而盈盈就自得其樂，一路跳，一路做手勢扮可愛，又不停扭籮，做嬌嗲甫士，又咪嘴唱住跳，最後仲叉腰扮雞行動作，超搞笑，大家都拍爛手掌。
網民有話兒：
JXXS：都好想睇吓馮盈盈男友講嘢係咪好似佢咁真。
YeXX：麥明詩哥哥都係醫生，兩個醫生大比併。
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|