掃呢頁CODE去手機

2018年10月31日 星期三

張文慈:張文慈《跳躍》喊戲大爆發 網民激讚力撐 __,張文慈,

張文慈喺《跳躍生命線》呢集喊戲,網民Like爆!無綫熱播劇《跳躍生命線》獲得唔少好評,而最新一集亮點就落喺張文慈(Pinky)身上!飾演「麥在田」馬德 ...


張文慈喺《跳躍生命線》呢集喊戲,網民Like爆!


無綫熱播劇《跳躍生命線》獲得唔少好評,而最新一集亮點就落喺張文慈(Pinky)身上!飾演「麥在田」馬德鐘家姐「麥愛花」、做KOL嘅佢為咗出位咩都做,好似危坐「春嬌橋」影相打卡咁!而高潮就係佢被馬德鐘發現影咗輯性感床照,之後嘅一場演技大爆發!被質問點解影咗啲咁嘅相時,Pinky本身淚汪汪,反駁「為人氣、為hit rate」:「我唔做啲嘢會畀人淘汰㗎!」雖然啲淚水啷啷吓,但講對白依然非常流暢又自然!點知畀馬德鐘用父母加埋個女「攻擊」時,終於缺堤又唔敢喊到頓失氣勢,雖然淚流滿面,但堅持冇喊到失聲,仲霸氣嗌走佬,喊戲有晒感情起伏,網民都大讚做得好好,仲笑言本來覺得有啲老土,但都睇到喊!

因為《我和殭屍有個約會》而開始入屋嘅Pinky,由A記亞視過檔無綫後有唔少演出機會,最初就係參演《老表,畢業喇!》,近期就有《宮心計2深宮計》,表現愈嚟愈入屋!有觀眾覺得由A記過去無綫嘅女演員個個都好戲,除咗陳煒就係張文慈!唔只好多人讚佢,仲有人推佢攞飛躍女演員添!而文慈都好感觸,佢喺Instagram留言:「謝謝這套劇的台前幕後所有工作人員和演員朋友,很開心可以和大家合作!辛苦大家!下套劇再見!」


來源 source: http://hk.on.cc
鍾意就快D Share啦!