掃呢頁CODE去手機

2018年10月24日 星期三

歐聯:C朗回歸奧脫福 普巴中柱紅魔負祖記 __,基斯坦奴朗拿度,C朗,

(GettyImages)C朗回歸奧脫福雖然冇波入,但都傳出勁靚半腰波,間接造就保羅戴巴拿一箭定江山,助祖雲達斯於歐聯作客擊敗曼聯1:0。今次C朗回歸 ...


(Getty Images)


C朗回歸奧脫福雖然冇波入,但都傳出勁靚半腰波,間接造就保羅戴巴拿一箭定江山,助祖雲達斯於歐聯作客擊敗曼聯1:0。今次C朗回歸,得到主隊球迷熱烈歡迎,開波冇耐就有球迷衝入球場希望接觸C朗。C朗今仗表現落力,兩度埋門勁有威脅但都過唔到迪基亞。曼聯經過「地獄上半場」後,換邊後表現回勇,惜普巴射門中柱,曼聯落敗亦無話可說。

C朗於曼聯成名,紅魔球迷一直對佢念念不忘,佢於社交網亦稱曼聯為家,難怪魔粉咁鍾意佢,不過佢離開紅魔轉投皇馬後,曾於歐聯面對舊會,兩次交手都有波入。祖雲達斯上半場壓住曼聯嚟打,17分鐘C朗右路傳中,基斯史摩寧被古亞達度力壓下解圍番危險地帶,戴巴拿衝前一射入網,祖雲達斯先開紀錄。22分鐘,C朗於禁區頂妙傳,賓坦古亞入楔禁區狂抽,迪基亞飛身撲出。38分鐘C朗處理25碼罰球狂抽,個波墜得勁快,迪基亞僅擋出,馬度迪補射迪基亞又撲出。完半場前戴巴拿禁區頂起食胡左腳抽遠柱,僅僅柱邊出界,上半場祖雲達斯八次攻門四次中龍,曼聯僅得一次埋門。

換邊後曼聯有起色,49分鐘後場大腳傳畀馬迪亞,壓入禁區想起腳,但畀邦路斯飛身鏟走個波。52分鐘C朗爭啲入波,接應隊友橫傳禁區頂狂抽近柱,迪基亞神救飛身托走。

曼聯之後大解反擊,75分鐘普巴禁區頂左腳一抽中柱,個波彈落施捷斯尼個頭度,冇彈入網彈出界。完場前盧卡古左腳抽射、馬迪亞埋門亦過唔到施捷斯尼,最後曼聯於奧脫福飲恨輸0:1,歐聯三戰得四分,祖雲達斯則三戰全勝得九分。


來源 source: http://hk.on.cc
鍾意就快D Share啦!