掃呢頁CODE去手機

2018年10月19日 星期五

【獨家斷正〡舊山頂道同居】迎合富三代施伯雄慳家作風 拜金吳千語屈就坐Econ (足本版) __,

拿!今次證據確鑿,冇得抵賴啦!今年一月,本刊踢爆千語BB搭上咗全國政協兼地產商施子清個孫施伯雄Brian,就即刻撇甩好愛好愛佢嘅林峯,不過當事人梗係例 ...


拿!今次證據確鑿,冇得抵賴今年一月,本刊踢爆千語BB搭上咗全國政協兼地產商施子清個孫施伯雄Brian,就即刻撇甩好愛好愛佢嘅林峯,不過當事人梗係例 ...




拿!今次證據確鑿,冇得抵賴

今年一月,本刊踢爆千語BB搭上咗全國政協兼地產商施子清個孫施伯雄Brian,就即刻撇甩好愛好愛佢嘅林峯,不過當事人梗係例牌唔認之但係紙係包唔住火嘅!今次就俾《壹仔》獨家斷正千語BB孖住新歡施伯雄歐遊返港!

又到咗轉季時間,千語BB梗係例牌要去歐洲血拼,今次呢個旅程先去羅馬,再轉戰去米蘭,玩足十日,完全滿足晒BB嘅購物慾。咦?不過,同以前有啲唔同嘅係⋯⋯千語BB竟然要屈就坐Econ呀!

Play back 返去以前,林峯同親千語BB出埠,一定食好住好,仲次次都坐頭等來回架!冇計Brian 雖然含住金鎖匙出世,不過講明唔靠父蔭,要自立門戶,仲出晒名貼地慳家。其實一向俾人話拜金嘅BB,自從同咗Brian 一齊,已經好努洗底,而家次次出埠去拍拖,都係坐Econ 架咋,連身邊啲朋友都好驚訝佢咁能屈能伸!

千語BB俾林峯縱慣晒,家陣為迎合呢位金龜Brian嘅慳家作風,唯有忍受坐十幾粒鐘經濟位,難怪落機嗰陣,佢面青青,無厘神氣啦。不過將來成功入到豪門做千億新抱的話,呢啲小小嘅苦楚,又算得係咩呀

為咗掩人耳目,千語BB一支箭出閘先,冇耐Brian 先推住三大喼行李殿後。去到停車場,兩個终於合體喇!不過都keep 住幾個身位嘅距離。要習慣過貼地生活,千語BB而家唔再有專屬司機同保母車stand by ,要企定定喺度等uber 。等咗足足十分鐘,終於有得上車,不過架車似乎又塞唔晒BB啲戰利品喎!Brian同個Uber 司機夾手夾腳,幾經辛苦先將啲行李塞晒上車。之後千語BB同Brian就齊齊返咗去舊山頂道嘅寓所,一齊推晒啲行李上樓。

不過一個月前,BB仲講緊:「睇下緣份囉!睇下大家有冇多啲時間相處!」原來已經發展到同居關係,咁BB唔洗驚冇時間相處啦!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!