掃呢頁CODE去手機

2018年10月1日 星期一

英超Fever:【與魔同贏】曼聯恥辱性奪冠賠率博得過 __,曼聯,

(GettyImages)曼聯近期成為球壇熱話,圍繞成績差、莫連奴就快被炒、紅魔躉灰晒咁。不過,正所謂有危就有機,最起碼對賭仔來講,博曼聯今季英超冠軍 ...


(Getty Images)


曼聯近期成為球壇熱話,圍繞成績差、莫連奴就快被炒、紅魔躉灰晒咁。不過,正所謂有危就有機,最起碼對賭仔來講,博曼聯今季英超冠軍,就係一次千載難逢嘅「博爆冷」黃金機會,事關紅魔鬼奪冠賠率,已經冷到恥辱性嘅80倍。

無可否認,曼聯現時笠笠亂,但歸根究底只得一個不利因素,就係莫連奴。「莫三季」宿命之下,寸王應該時日無多,只要佢執包袱,曼聯好大機會反彈,到時「估值」肯定大升,仲邊度有80倍咁好分。

事實上,曼聯現時只係踢咗7場聯賽,落後榜首曼城9分咁大把,絕對有機會追番。英超以往亦有球隊絕地大反擊,後上奪冠嘅例子。最經典係1995/96年球季,曼聯踢到季季中,落後紐卡素12分,結果最終反超前捧盃。1997/98年球季,同樣係踢到季中,阿仙奴落後曼聯13分,兵工廠最後反壓紅魔鬼奪冠。

最近出現逆轉勝一季係2011/12年,當年去到4月季尾,曼城落後曼聯8分,戰至最後1輪,曼城追至同曼聯同分,憑較多淨得球奪冠。更何況依家球季只係進行咗五份之一都未夠,就判曼聯死刑,未免太武斷。

股神巴菲特名言:「別人恐懼的時候,我要貪婪。」趁曼聯依家哀鴻遍野,奪冠賠率有80倍,買番100幾十看門口都唔錯。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!