（互聯網）
莫連奴為保帥印乜橋都要諗，勢於一月借入伊巴，呂布或會再披曼聯波衫！瑞典戰神於今年初被紅魔鬼放棄，但轉投洛杉磯銀河表現一流，屢入世界波寶刀未老，於冬季轉會窗再成搶手貨，早前就曾傳出AC米蘭將出手搶人。
曼聯本季攻力欠銳，盧卡古、A山、安東尼馬迪爾冇個孭到飛，英媒指寸王希望伊巴回歸，再次統領曼聯攻擊線！
曼聯本季攻力欠佳，8場英超僅入13球，而且寸王同一班主力關係麻麻，如果回簽伊巴，前線調動更靈活外，亦可加強把握力。
伊巴效力曼聯時，直頭係盧卡古師傅，如果回歸必有助盧卡古進步。最重要係伊巴有領袖特質，如果再臨奧脫福，攻力一定可以回升。
伊巴謙莫域雖然已37歲，但大傷後於美國回復巔峰狀態，25次為銀河上陣攻入21球，期間入過超長程遠射，又再表演空手道式凌空建功，毫無懸念封今季美職最佳球員。伊巴仲有貨賣，借佢返嚟必有用處，啱晒莫連奴胃口。
雖然A米都係伊巴舊會，不過寸王同伊巴惺惺相惜，伊巴剛啱向外力撐寸王，話深信呢位名帥有力帶領曼聯捧走英超冠軍，可見雙方於國米時代合作過後關係良好。
另外，伊巴性格非常好勝，佢極希望於曼聯取得成功，佢加盟曼聯後首季就入28球，只係於歐霸盃大傷，令佢於次季表現跌Watt先至要黯然離開，為證明自己實力，極可能回歸英超。
東網體育同你追實體壇每個精彩時刻！
https://goo.gl/ewVpvE
來源 source: http://hk.on.cc
|
鍾意就快D Share啦！
|
|
|
