掃呢頁CODE去手機

2018年10月2日 星期二

文詠珊:【夠唔夠仙氣?】JM演王語嫣 網友有投訴 __,JM,文詠珊,

歷代「王語嫣」大家最鍾意邊個?武俠小說《天龍八部》曾多次拍成劇集,今年內地將再次翻拍,引起唔少粉絲關注。而當中大家最關心當然係選角,劇組依家已經確定男 ...


歷代「王語嫣」大家最鍾意邊個?


武俠小說《天龍八部》曾多次拍成劇集,今年內地將再次翻拍,引起唔少粉絲關注。而當中大家最關心當然係選角,劇組依家已經確定男主角蕭峰會由台灣型男楊祐寧飾演,內地小鮮肉白澍就演段譽,女主角王語嫣由香港代表文詠珊(JM)飾演,而近日憑《延禧攻略》「爾晴」一角爆紅嘅蘇青就會演阿朱。

演阿紫更入型入格

睇完呢幾個主要角色嘅選角,唔知大家滿唔滿意呢?有小說迷就對JW演充滿仙氣嘅王語嫣有少少投訴,覺得佢雖然好靚,但個樣現代感比較重同有啲妖魅氣質,同神清骨秀、清麗絕俗嘅王語嫣始終有啲出入。而JM之前喺劇集《九州.海上牧雲記》飾演魅靈「盼兮」,演出入木三分,令佢大受歡迎,所以有網友覺得佢更適合演女妖,仲有人話佢做個性古靈精怪嘅阿紫會更入型入格。

做新一代小龍女?

睇番之前幾套《天龍八部》,飾演王語嫣嘅女星幾乎都係氣質型,例如陳玉蓮、李若彤同劉亦菲,個個仙氣十足,演王語嫣自然特別容易令人代入。而呢三位歷代「王語嫣」除咗同樣不食人間煙火之外,仲有個共通點,就係佢哋全部演過《神鵰俠侶》嘅小龍女,事關王語嫣同小龍女嘅氣質都幾相似,所以通常都會「食全餐」演晒兩個角色,唔知JM嚟緊會唔會步幾位「王語嫣」後塵,做新一代小龍女呢?

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!